بِسْمِ ٱللّٰهِ ٱلرَّحْمٰنِ ٱلرَّحِيمِ
സർവ്വസ്തുതിയും ലോകരക്ഷിതാവായ അല്ലാഹുവിനാണ്.
നമ്മുടെ നബി മുഹമ്മദ് ﷺ യുടെയും അവിടുത്തെ കുടുംബാംഗങ്ങളുടെയും സ്വഹാബികളുടെയും മേൽ അല്ലാഹുവിന്റെ സ്വലാത്തും സലാമും ഉണ്ടാകട്ടെ.
അല്ലാഹു ഇസ്ലാം മതത്തെ സംരക്ഷിക്കുമെന്നും കാത്തുസൂക്ഷിക്കുമെന്നും ഏറ്റെടുത്തിട്ടുണ്ട്. അല്ലാഹു പറയുന്നു:
إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ
തീര്ച്ചയായും നാമാണ് ആ ഉല്ബോധനം ഇറക്കിയത്. തീര്ച്ചയായും നാം അതിനെ കാത്തുസൂക്ഷിക്കുന്നതുമാണ്.
[സൂറത്ത് അൽ-ഹിജ്ർ – 9]
അവന്റെ മതത്തെ സംരക്ഷിക്കാനായി അല്ലാഹു പല കാരണങ്ങളും ഒരുക്കിയിട്ടുണ്ട്. അതിൽ ഏറ്റവും പ്രധാനപ്പെട്ടതാണ് ഇസ്ലാമിനെ പ്രതിരോധിക്കാനും ബിദ്അത്തുകളും അവയുടെ അപകടങ്ങളും വ്യക്തമാക്കാനും സമുദായത്തിലെ റബ്ബാനിയ്യീങ്ങളായ പണ്ഡിതന്മാർക്ക് അല്ലാഹു നൽകിയ തൗഫീഖ്.
ഇത്തരത്തിൽ അല്ലാഹുവിന്റെ തൗഫീഖ് ലഭിച്ച പണ്ഡിതനാണ് ശൈഖുൽ ഇസ്ലാം അഹ്മദ് ബിൻ തൈമിയ്യ رَحِمَهُ اللَّهُ. അദ്ദേഹം ഈ മഹത്തായ ദൗത്യം ഏറ്റവും മികച്ച രൂപത്തിൽ നിർവ്വഹിച്ചു. അദ്ദേഹത്തിന്റെ പോരാട്ടങ്ങളുടെ ഫലമായി ധാരാളം ഗ്രന്ഥങ്ങൾ രചിക്കപ്പെട്ടു. അദ്ദേഹത്തിന്റെ ഏറ്റവും പ്രധാനപ്പെട്ട ഗ്രന്ഥങ്ങളിലൊന്നാണ് ‘മിൻഹാജുസ്സുന്നത്തി അന്നബവിയ്യ’ (منهاج السنة النبوية). പണ്ഡിതന്മാർക്കിടയിൽ വലിയ സ്വീകാര്യത ലഭിച്ച ഗ്രന്ഥമാണിത്.
ആ ഗ്രന്ഥത്തിൽ നിന്ന് റാഫിദകളെക്കുറിച്ചുള്ള (ശിയാക്കളെക്കുറിച്ചുള്ള) ഭാഗങ്ങൾ തിരഞ്ഞെടുത്ത് 62 ചോദ്യോത്തരങ്ങളായി ഇവിടെ അവതരിപ്പിക്കുന്നു. ശൈഖുൽ ഇസ്ലാമിന്റെ വാക്കുകൾ യാതൊരു മാറ്റവും വരുത്താതെയാണ് ഇവിടെ ഉത്തരങ്ങളായി നൽകിയിട്ടുള്ളത്.
ശൈഖുൽ ഇസ്ലാം رَحِمَهُ اللَّهُ പറയുന്നു: “അതുകൊണ്ടാണ് നമ്മുടെ നമസ്കാരങ്ങളിൽ ഇപ്രകാരം പ്രാർത്ഥിക്കാൻ അല്ലാഹു നമ്മോട് കൽപ്പിച്ചത്:
اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ
ഞങ്ങളെ നീ നേരായ പാതയില് നയിക്കേണമേ. (അതായത്) നീ അനുഗ്രഹിച്ചവരുടെ പാതയില്. കോപത്തിന് ഇരയായവരുടെ പാതയിലല്ല. പിഴച്ചുപോയവരുടെ പാതയിലുമല്ല.
[സൂറത്ത് അൽ-ഫാതിഹ – 6, 7]
സത്യം അറിയാത്ത ക്രിസ്ത്യാനികളെപ്പോലുള്ളവരാണ് പിഴച്ചുപോയവർ (الضالين). സത്യം അറിയുകയും എന്നാൽ അതിനെതിരായി പ്രവർത്തിക്കുകയും ചെയ്യുന്ന ജൂതന്മാരെപ്പോലുള്ളവരാണ് കോപത്തിന് ഇരയായവർ (المغضوب عليهم). നേരായ പാത (الصراط المستقيم) എന്നത് സത്യം അറിയുകയും അതനുസരിച്ച് പ്രവർത്തിക്കുകയും ചെയ്യലാണ്. മാതൃകയാക്കാവുന്ന സ്ഥിരപ്പെട്ട പ്രാർത്ഥനയിൽ വന്നതുപോലെ: ‘അല്ലാഹുവേ, എനിക്ക് സത്യത്തെ സത്യമായി കാണിച്ചുതരികയും അത് പിൻപറ്റാൻ തൗഫീഖ് നൽകുകയും ചെയ്യേണമേ. അസത്യത്തെ അസത്യമായി കാണിച്ചുതരികയും അതിൽ നിന്ന് വിട്ടുനിൽക്കാൻ എനിക്ക് തൗഫീഖ് നൽകുകയും ചെയ്യേണമേ. അതെനിക്ക് അവ്യക്തമാക്കുകയും അതുവഴി ഞാൻ ദേഹേച്ഛയെ പിൻപറ്റാൻ ഇടവരുത്തുകയും ചെയ്യരുതേ.'” [വാള്യം: 1, പേജ്: 19]
റാഫിദകളുടെ അടിസ്ഥാനങ്ങളും വിശ്വാസങ്ങളും (ചോദ്യങ്ങൾ 1 – 14)
ചോദ്യം 1: ശൈഖുൽ ഇസ്ലാം ഇബ്നു തൈമിയ്യ رَحِمَهُ اللَّهُ റാഫിദകളെക്കുറിച്ച് എന്താണ് പറയുന്നത്?
ഉത്തരം: അവർ ദേഹേച്ഛകളെ പിൻപറ്റുന്നവരിൽ ഏറ്റവും അറിവില്ലാത്തവരും അക്രമികളുമാണ്. പ്രവാചകന്മാർക്ക് ശേഷം അല്ലാഹുവിന്റെ ഔലിയാക്കളിൽ ഏറ്റവും ഉത്തമരായ, മുഹാജിറുകളും അൻസ്വാറുകളുമായ മുൻഗാമികളോടും, അവരെ സദ്വൃത്തരായി പിൻപറ്റിയവരോടും അവർ ശത്രുത പുലർത്തുന്നു. എന്നാൽ ജൂതന്മാർ, ക്രിസ്ത്യാനികൾ, മുശ്രിക്കുകൾ, നുസൈരിയ്യ, ഇസ്മാഈലിയ്യ തുടങ്ങിയ മതനിഷേധികളും (മുൽഹിദുകൾ) വഴിപിഴച്ചവരുമായ കാഫിറുകളോടും മുനാഫിഖുകളോടും അവർ സ്നേഹം (വലാഅ്) പുലർത്തുകയും ചെയ്യുന്നു. [വാള്യം: 1, പേജ്: 20]
ചോദ്യം 2: അവർ ജൂതന്മാരുമായി സഹകരിക്കുന്നവരാണോ?
ഉത്തരം: അവർ ജൂതന്മാരെ സഹായിക്കുന്നു എന്നത് വളരെ പ്രസിദ്ധമായ കാര്യമാണ്. [വാള്യം: 1, പേജ്: 21]
ചോദ്യം 3: അവരുടെ ഹൃദയങ്ങൾ നല്ലതാണെന്ന് ചിലർ വാദിക്കുന്നുവല്ലോ? നിങ്ങളുടെ അഭിപ്രായമെന്താണ്?
ഉത്തരം: പ്രവാചകന്മാർക്ക് ശേഷം അല്ലാഹുവിന്റെ ഔലിയാക്കളുടെ നേതാക്കന്മാരായ, ഏറ്റവും ഉത്തമരായ സത്യവിശ്വാസികളോട് ഹൃദയത്തിൽ പകയുണ്ടാവുക എന്നത് ഹൃദയത്തിന്റെ ഏറ്റവും വലിയ മാലിന്യമാണ്. [വാള്യം: 1, പേജ്: 22]
ചോദ്യം 4: എപ്പോഴാണ് അവർക്ക് ‘റാഫിദ’ എന്ന പേര് ലഭിച്ചത്? എന്തുകൊണ്ട്? ആരാണ് ആ പേര് നൽകിയത്?
ഉത്തരം: സൈദ് ബിൻ അലിയുടെ പുറപ്പാടിന്റെ കാലം മുതലാണ് ശിയാക്കൾ റാഫിദകളെന്നും സൈദിയ്യകളെന്നും രണ്ടായി പിരിഞ്ഞത്. അദ്ദേഹത്തോട് അബൂബക്കർ رَضِيَ اللَّهُ عَنْهُ വിനെയും ഉമർ رَضِيَ اللَّهُ عَنْهُ വിനെയും കുറിച്ച് ചോദിക്കപ്പെട്ടപ്പോൾ അദ്ദേഹം അവർക്കായി കാരുണ്യം അർപ്പിച്ചു (റഹിമഹുമാല്ലാഹ് എന്ന് പ്രാർത്ഥിച്ചു). അപ്പോൾ ഒരു വിഭാഗം അദ്ദേഹത്തെ ഉപേക്ഷിച്ചുപോയി (റഫ്ള് ചെയ്തു). അപ്പോൾ അദ്ദേഹം അവരോട് പറഞ്ഞു: “നിങ്ങൾ എന്നെ ഉപേക്ഷിച്ചുവോ (رفضتموني)?” അങ്ങനെ അദ്ദേഹത്തെ ഉപേക്ഷിച്ചതുകൊണ്ട് അവർക്ക് ‘റാഫിദ’ (الرافضة) എന്ന് പേര് ലഭിച്ചു. അദ്ദേഹത്തെ ഉപേക്ഷിക്കാത്ത ശിയാക്കൾക്ക് അദ്ദേഹത്തിലേക്ക് ചേർത്ത് ‘സൈദിയ്യ’ (الزيدية) എന്നും പേര് ലഭിച്ചു. [വാള്യം: 1, പേജ്: 35]
ചോദ്യം 5: റാഫിദകൾ ആരോടാണ് അകൽച്ച (ബറാഅ്) പ്രഖ്യാപിക്കുന്നത്?
ഉത്തരം: പത്തോ പന്ത്രണ്ടോ പേർ ഒഴികെ അല്ലാഹുവിന്റെ റസൂൽ ﷺ യുടെ മുഴുവൻ സ്വഹാബികളോടും അവർ ബറാഅ് പ്രഖ്യാപിക്കുന്നു. [വാള്യം: 1, പേജ്: 39]
ചോദ്യം 6: എന്തുകൊണ്ടാണ് അവരിൽ ഇത്രയധികം കളവും അറിവുകേടും കാണപ്പെടുന്നത്?
ഉത്തരം: അവരുടെ മദ്ഹബിന്റെ അടിസ്ഥാനം തന്നെ അറിവുകേടിലാണ് നിലകൊള്ളുന്നത്. അതിനാൽ എല്ലാ കക്ഷികളിലും വെച്ച് ഏറ്റവും കൂടുതൽ കളവ് പറയുന്നവരും അറിവില്ലാത്തവരുമായി അവർ മാറി. [വാള്യം: 1, പേജ്: 57]
ചോദ്യം 7: റാഫിദകളുടെ പ്രത്യേകത എന്താണ്?
ഉത്തരം: എല്ലാ കക്ഷികളിലും വെച്ച് ഏറ്റവും വലിയ കള്ളന്മാർ റാഫിദകളാണെന്ന് വിവരവും നിവേദനവുമുള്ള പണ്ഡിതന്മാർ ഏകോപിച്ചിരിക്കുന്നു. അവരിലെ കളവ് വളരെ പണ്ടുമുതൽ തന്നെയുള്ളതാണ്. അതുകൊണ്ടാണ് അവരെ കള്ളന്മാരായി വേർതിരിച്ചറിയാൻ ഇസ്ലാമിക പണ്ഡിതന്മാർക്ക് എളുപ്പമായത്. [വാള്യം: 1, പേജ്: 59]
ചോദ്യം 8: അവർ കളവിനെയും വഞ്ചനയെയും പവിത്രമായി കാണുന്നുവെന്നത് സത്യമാണോ? അവർ അതിനെ എന്താണ് വിളിക്കുന്നത്?
ഉത്തരം: അവർ പറയുന്നു: “ഞങ്ങളുടെ മതം തഖിയ്യ (التقية) ആണ്!” അതായത്, ഒരാളുടെ ഹൃദയത്തിലുള്ളതിന് വിരുദ്ധമായത് നാവുകൊണ്ട് പറയുക. ഇത് തികഞ്ഞ കളവും കാപട്യവുമാണ് (നിഫാഖ്). [വാള്യം: 1, പേജ്: 68]
ചോദ്യം 9: മുസ്ലിം ഭരണാധികാരികളോടുള്ള റാഫിദകളുടെ നിലപാടെന്താണ്?
ഉത്തരം: അവർ ഭരണാധികാരികളെ ഏറ്റവും കൂടുതൽ എതിർക്കുന്നവരാണ്. നിർബന്ധിതാവസ്ഥയിലല്ലാതെ അവർ ഒരിക്കലും ഭരണാധികാരികളെ അനുസരിക്കുകയില്ല. [വാള്യം: 1, പേജ്: 111]
ചോദ്യം 10: അവരുടെ പ്രവർത്തനങ്ങളെ നിങ്ങൾ എങ്ങനെ നോക്കിക്കാണുന്നു?
ഉത്തരം: ദീർഘകാലം കഷ്ടപ്പെടുകയും, ധാരാളം വാഗ്വാദങ്ങൾ നടത്തുകയും, മുസ്ലിം ജമാഅത്തുമായി തെറ്റിപ്പിരിയുകയും, മുൻഗാമികളെയും പിൻഗാമികളെയും ശപിക്കുകയും, കാഫിറുകളെയും മുനാഫിഖുകളെയും സഹായിക്കുകയും, സാധ്യമായ എല്ലാ കുതന്ത്രങ്ങളും പ്രയോഗിക്കുകയും, കള്ളസാക്ഷികളെ ആശ്രയിക്കുകയും, വഞ്ചനയുടെ കയറുകൊണ്ട് അനുയായികളെ വീഴ്ത്തുകയും ചെയ്യുന്ന ഒരാളുടെ പ്രയത്നത്തെക്കാൾ പിഴച്ച വേറെ ഏത് പ്രയത്നമാണുള്ളത്? [വാള്യം: 1, പേജ്: 121]
ചോദ്യം 11: അവർ തങ്ങളുടെ ഇമാമുകൾ എന്ന് വാദിക്കുന്നവരോടുള്ള അവരുടെ അതിരുകവിയൽ (ഗുലുവ്വ്) ഏത് തലത്തിലാണ്?
ഉത്തരം: അവർ അല്ലാഹുവിന് പുറമെ അവരെ റബ്ബുകളായി (രക്ഷിതാക്കളായി) സ്വീകരിച്ചിരിക്കുന്നു. [വാള്യം: 1, പേജ്: 474]
ചോദ്യം 12: റാഫിദകൾ ഖബർ ആരാധകരാണോ?
ഉത്തരം: അവരുടെ ശൈഖായ ഇബ്നു നുഅ്മാൻ ‘മനാസികുൽ മശാഹിദ്’ (مناسك المشاهد) എന്ന പേരിൽ ഒരു ഗ്രന്ഥം രചിച്ചിട്ടുണ്ട്. കഅ്ബയിൽ ഹജ്ജ് ചെയ്യുന്നതുപോലെ സൃഷ്ടികളുടെ ഖബറുകളിലേക്കും ഹജ്ജ് ചെയ്യാമെന്ന് അയാൾ അതിൽ ഉണ്ടാക്കിവെച്ചിരിക്കുന്നു. [വാള്യം: 1, പേജ്: 476]
ചോദ്യം 13: കളവും കാപട്യവും അവരുടെ അടിസ്ഥാനങ്ങളിൽ പെട്ടതാണോ?
ഉത്തരം: മുനാഫിഖുകളെക്കുറിച്ച് അല്ലാഹു അറിയിച്ചത്, അവർ തങ്ങളുടെ ഹൃദയങ്ങളിൽ ഇല്ലാത്ത കാര്യങ്ങൾ നാവുകൊണ്ട് പറയുമെന്നാണ്. റാഫിദകൾ ഇതിനെ തങ്ങളുടെ മതത്തിന്റെ അടിസ്ഥാനമായി നിശ്ചയിക്കുകയും അതിന് ‘തഖിയ്യ’ എന്ന് പേരിടുകയും ചെയ്തിരിക്കുന്നു. സത്യത്തിൽ അല്ലാഹു പരിശുദ്ധരാക്കിയ അഹ്ലുൽ ബൈത്തിലെ ഇമാമുകളുടെ പേരിലാണ് ഇവർ ഇത് കെട്ടിച്ചമക്കുന്നത്. “തഖിയ്യ എന്റെയും എന്റെ പിതാമഹന്മാരുടെയും മതമാണ്” എന്ന് ജഅ്ഫർ അസ്സ്വാദിഖ് പറഞ്ഞതായി അവർ കള്ളം പറയുന്നു. സത്യവിശ്വാസികളായ അഹ്ലുൽ ബൈത്തിനെയും മറ്റുള്ളവരെയും അല്ലാഹു ഇതിൽ നിന്നെല്ലാം പരിശുദ്ധരാക്കിയിരിക്കുന്നു. അവർ ജനങ്ങളിൽ ഏറ്റവും സത്യസന്ധരും ഈമാൻ യാഥാർത്ഥ്യമാക്കിയവരുമായിരുന്നു. അവരുടെ മതം തഖ്വ (സൂക്ഷ്മത) ആയിരുന്നു, അല്ലാതെ തഖിയ്യ ആയിരുന്നില്ല. [വാള്യം: 2, പേജ്: 46]
ചോദ്യം 14: ജനങ്ങളിൽ ഏത് വിഭാഗത്തിലാണ് റാഫിദകൾ ഉള്ളത്?
ഉത്തരം: റാഫിദകളെ മിക്കവാറും രണ്ട് വിഭാഗങ്ങളിലായാണ് കാണാൻ കഴിയുക: ഒന്നുകിൽ അവർ മതനിഷേധികളായ സന്ദീഖുകളും മുനാഫിഖുകളുമാകും. അല്ലെങ്കിൽ തെളിവുകളെക്കുറിച്ചോ യുക്തിയെക്കുറിച്ചോ യാതൊരു വിവരവുമില്ലാത്ത അങ്ങേയറ്റത്തെ ജാഹിലുകളാകും. [വാള്യം: 2, പേജ്: 81]
അവരുടെ കാപട്യവും പ്രവർത്തനങ്ങളും (ചോദ്യങ്ങൾ 15 – 25)
ചോദ്യം 15: റാഫിദകളുടെ പക്കൽ യഥാർത്ഥ ഭൗതികവിരക്തിയോ (സുഹ്ദ്) ഇസ്ലാമിക ജിഹാദോ ഉണ്ടോ?
ഉത്തരം: ഭൗതിക ലോകത്തോടുള്ള അവരുടെ സ്നേഹവും അത്യാർത്തിയും വളരെ പ്രകടമാണ്. അതുകൊണ്ടാണവർ ഹുസൈൻ رَضِيَ اللَّهُ عَنْهُ വിന് കത്തുകളെഴുതിയത്. എന്നാൽ അദ്ദേഹം തന്റെ പിതൃവ്യപുത്രനെ അയക്കുകയും പിന്നീട് നേരിട്ട് വരികയും ചെയ്തപ്പോൾ അവർ അദ്ദേഹത്തെ വഞ്ചിച്ചു; തങ്ങളുടെ പരലോകത്തെ ഭൗതിക ലോകത്തിന് പകരമായി അവർ വിറ്റു. അദ്ദേഹത്തെ ശത്രുക്കൾക്ക് ഏൽപ്പിച്ചുകൊടുത്തു, അദ്ദേഹത്തിന്റെ ശത്രുക്കളോടൊപ്പം ചേർന്ന് അദ്ദേഹത്തിനെതിരെ അവർ യുദ്ധം ചെയ്തു. എന്ത് ഭൗതികവിരക്തിയാണ് ഇവർക്കുള്ളത്? എന്ത് ജിഹാദാണ് ഇവർക്കുള്ളത്? ഇവരിൽ നിന്ന് അലി ബിൻ അബീത്വാലിബ് رَضِيَ اللَّهُ عَنْهُ അല്ലാഹുവിന് മാത്രം അറിയാവുന്നത്ര കൈപ്പേറിയ അനുഭവങ്ങൾ അനുഭവിച്ചിട്ടുണ്ട്. അങ്ങനെ അദ്ദേഹം അവർക്കെതിരെ ഇപ്രകാരം പ്രാർത്ഥിച്ചു: “അല്ലാഹുവേ, എനിക്ക് അവരെ മടുത്തു, അവർക്ക് എന്നെയും മടുത്തു. അതിനാൽ അവർക്ക് പകരമായി അവരെക്കാൾ ഉത്തമരായവരെ എനിക്ക് നീ നൽകേണമേ, എനിക്ക് പകരമായി എന്നെക്കാൾ മോശക്കാരനായ ഒരുവനെ അവർക്ക് നീ നൽകുകയും ചെയ്യേണമേ.” [വാള്യം: 2, പേജ്: 90-91]
ചോദ്യം 16: അവർ വഴിപിഴച്ചവരിൽ പെട്ടവരാണോ?
ഉത്തരം: മുഹാജിറുകളും അൻസ്വാറുകളുമായ മുൻഗാമികളോട് ശത്രുത പുലർത്തുകയും, കാഫിറുകളോടും മുനാഫിഖുകളോടും കൂറ് കാണിക്കുകയും ചെയ്യുന്ന ഒരു സമൂഹത്തെക്കാൾ വഴിപിഴച്ച വേറെ ആരെങ്കിലുമുണ്ടോ? [വാള്യം: 3, പേജ്: 374]
ചോദ്യം 17: തിന്മകളോടുള്ള അവരുടെ നിലപാടെന്താണ്?
ഉത്തരം: മിക്കവാറും അവർ ചെയ്യുന്ന തിന്മകളെ അവർ പരസ്പരം തടയാറില്ല. അവരുടെ നാടുകളാണ് അക്രമം, ഫവാഹിശുകൾ (മോശമായ കാര്യങ്ങൾ) തുടങ്ങിയ തിന്മകൾ ഏറ്റവും കൂടുതലുള്ള നാടുകൾ. [വാള്യം: 3, പേജ്: 376]
ചോദ്യം 18: കാഫിറുകളോടുള്ള അവരുടെ നിലപാടെന്താണ്?
ഉത്തരം: അവർ എപ്പോഴും മുശ്രിക്കുകൾ, ജൂതന്മാർ, ക്രിസ്ത്യാനികൾ തുടങ്ങിയ കാഫിറുകളോട് കൂറ് പുലർത്തുന്നവരാണ്. മുസ്ലിംകൾക്കെതിരെ യുദ്ധം ചെയ്യാനും ശത്രുത കാണിക്കാനും അവർ കാഫിറുകളെ സഹായിക്കുന്നു. [വാള്യം: 3, പേജ്: 378]
ചോദ്യം 19: അവർ അല്ലാഹുവിന്റെ മതത്തിൽ എന്തെല്ലാമാണ് പുതുതായി കൊണ്ടുവന്നത്?
ഉത്തരം: മറ്റാരും പറയാത്ത അത്രയും കളവുകൾ നബി ﷺ യുടെ പേരിൽ അവർ കെട്ടിച്ചമച്ച് മതത്തിൽ കൊണ്ടുവന്നു. മറ്റാരും നിഷേധിക്കാത്ത അത്രയും സത്യങ്ങളെ അവർ നിഷേധിച്ചു. മറ്റാരും ചെയ്യാത്ത രൂപത്തിൽ അവർ ഖുർആനെ വളച്ചൊടിച്ചു (തഹ്രീഫ് ചെയ്തു). [വാള്യം: 3, പേജ്: 404]
ചോദ്യം 20: അഹ്ലുൽ ബൈത്തിന്റെ ഏകോപനത്തെയാണ് ഞങ്ങൾ പിൻപറ്റുന്നത് എന്ന റാഫിദകളുടെ വാദത്തിന്റെ സത്യാവസ്ഥയെന്താണ്?
ഉത്തരം: സ്വഹാബികളുടെ ഏകോപനത്തിന് വിരുദ്ധമായി പ്രവർത്തിച്ചതുപോലെ തന്നെ, നബികുടുംബത്തിന്റെ ഏകോപനത്തിനും അവർ എതിരാണ് എന്നതിൽ യാതൊരു സംശയവുമില്ല. നബി ﷺ യുടെയും അബൂബക്കർ, ഉമർ, ഉസ്മാൻ, അലി (رَضِيَ اللَّهُ عَنْهُمْ) എന്നിവരുടെയും കാലത്ത് ബനൂ ഹാശിമിൽ പെട്ട നബികുടുംബത്തിൽ ആരും തന്നെ പന്ത്രണ്ട് ഇമാമുകളുടെ ഇമമാത്ത് വാദിക്കുകയോ, നബി ﷺ ക്ക് ശേഷം മറ്റാർക്കെങ്കിലും പാപസുരക്ഷിതത്വം (ഇസ്വ്മത്ത്) ഉണ്ടെന്ന് പറയുകയോ, ആദ്യത്തെ മൂന്ന് ഖലീഫമാരെ കാഫിറാക്കുകയോ ചെയ്തിരുന്നില്ല. എന്തിനേറെ, അവരുടെ ഇമമാത്തിനെ കുറ്റപ്പെടുത്തുകയോ, അല്ലാഹുവിന്റെ നാമഗുണവിശേഷങ്ങളെ നിഷേധിക്കുകയോ, ഖദ്റിനെ കളവാക്കുകയോ ചെയ്യുന്ന ആരും തന്നെ അവരിലുണ്ടായിരുന്നില്ല. [വാള്യം: 3, പേജ്: 406-407]
ചോദ്യം 21: അവരുടെ കക്ഷിക്ക് മാത്രമുള്ള ചില പ്രത്യേകതകൾ എന്തെല്ലാമാണ്?
ഉത്തരം: കളവ് പറയുക, സത്യത്തെ നിഷേധിക്കുക, അങ്ങേയറ്റത്തെ അറിവുകേട്, അസംഭവ്യമായ കാര്യങ്ങൾ വിശ്വസിക്കുക, ബുദ്ധിയില്ലായ്മ, ദേഹേച്ഛകളെ പിൻപറ്റുന്നതിലെ അതിരുകവിയൽ, അടിസ്ഥാനമില്ലാത്ത കാര്യങ്ങളുമായി ബന്ധപ്പെടുക തുടങ്ങിയ കാര്യങ്ങളിൽ ഇവരെപ്പോലെ മറ്റൊരു കക്ഷിയും ലോകത്തില്ല. [വാള്യം: 3, പേജ്: 435]
ചോദ്യം 22: എന്തുകൊണ്ടാണ് അവർ സ്വഹാബികളെ ഇകഴ്ത്തുന്നത്?
ഉത്തരം: റാഫിദകൾ സ്വഹാബികളെയും അവർ കൈമാറിയ അറിവുകളെയും ഇകഴ്ത്തുന്നു. വാസ്തവത്തിൽ പ്രവാചകത്വത്തെ (രിസാലത്ത്) തന്നെ ഇകഴ്ത്തുക എന്നതാണ് അവരുടെ ഉള്ളിലിരിപ്പ്. [വാള്യം: 3, പേജ്: 463]
ചോദ്യം 23: ശിയാക്കളെ നയിക്കുന്നത് ആരാണ്?
ഉത്തരം: ശിയാക്കൾക്ക് അവരോട് നേരിട്ട് സംസാരിക്കുന്ന ഇമാമുകളൊന്നുമില്ല. ജനങ്ങളുടെ സമ്പത്ത് അന്യായമായി തിന്നുകയും അല്ലാഹുവിന്റെ മാർഗ്ഗത്തിൽ നിന്ന് അവരെ തടയുകയും ചെയ്യുന്ന അവരുടെ ശൈഖുമാർ മാത്രമാണ് അവരെ നയിക്കുന്നത്. [വാള്യം: 3, പേജ്: 488]
ചോദ്യം 24: റാഫിദകളുടെ ശൈഖുമാർ അവരുടെ അനുയായികളോട് കൽപ്പിക്കുന്നത് എന്താണ്?
ഉത്തരം: അല്ലാഹുവിൽ പങ്കുചേർക്കാനും (ശിർക്ക്), അല്ലാഹുവല്ലാത്തവരെ ആരാധിക്കാനും അവർ കൽപ്പിക്കുന്നു. അല്ലാഹുവിന്റെ മാർഗ്ഗത്തിൽ നിന്ന് ജനങ്ങളെ അവർ തടയുന്നു. ‘അല്ലാഹുവല്ലാതെ ആരാധനക്കർഹനായി മറ്റാരുമില്ലെന്നും മുഹമ്മദ് ﷺ അല്ലാഹുവിന്റെ റസൂലാണെന്നുമുള്ള’ ശഹാദത്ത് കലിമയുടെ യാഥാർത്ഥ്യത്തിൽ നിന്ന് തന്നെ അവർ പുറത്തുപോകുന്നു. തൗഹീദിന്റെ യാഥാർത്ഥ്യം എന്നത് അല്ലാഹുവിന് മാത്രം ഇബാദത്ത് ചെയ്യുക എന്നതാണ്; അവനോടല്ലാതെ പ്രാർത്ഥിക്കപ്പെടരുത്, അവനെ മാത്രമേ ഭയപ്പെടാവൂ, അവനെ മാത്രമേ സൂക്ഷിക്കാവൂ, അവനിൽ മാത്രമേ ഭരമേൽപ്പിക്കാവൂ. മതം എന്നത് സൃഷ്ടികൾക്കാവരുത്, മറിച്ച് അല്ലാഹുവിന് മാത്രമായിരിക്കണം. മലക്കുകളെയോ പ്രവാചകന്മാരെയോ നാം റബ്ബുകളായി സ്വീകരിക്കാൻ പാടില്ല. അപ്പോൾ പിന്നെ ഇമാമുകൾ, ശൈഖുമാർ, പണ്ഡിതന്മാർ, രാജാക്കന്മാർ തുടങ്ങിയവരെ റബ്ബുകളാക്കുന്നതിന്റെ അവസ്ഥ എന്തായിരിക്കും! [വാള്യം: 3, പേജ്: 490]
ചോദ്യം 25: സാക്ഷ്യം വഹിക്കുന്ന (ശഹാദത്ത്) വിഷയത്തിൽ അവരുടെ അവസ്ഥയെന്താണ്?
ഉത്തരം: റാഫിദകൾ സാക്ഷ്യം വഹിക്കുകയാണെങ്കിൽ, ഒന്നുകിൽ തങ്ങൾക്ക് വിവരമില്ലാത്ത കാര്യത്തെക്കുറിച്ച് സാക്ഷ്യം വഹിക്കും, അല്ലെങ്കിൽ കളവാണെന്ന് വ്യക്തമായി അറിയാവുന്ന കള്ളസാക്ഷ്യം അവർ പറയും. ഇമാം അശ്ശാഫിഈ رَحِمَهُ اللَّهُ പറഞ്ഞതാണ് അവരെക്കുറിച്ച് ഏറ്റവും അനുയോജ്യം: “റാഫിദകളെക്കാൾ കൂടുതൽ കള്ളസാക്ഷ്യം പറയുന്ന മറ്റൊരു സമൂഹത്തെ ഞാൻ കണ്ടിട്ടില്ല.” [വാള്യം: 3, പേജ്: 502]
അഹ്ലുൽ ബൈത്തും റാഫിദകളും (ചോദ്യങ്ങൾ 26 – 37)
ചോദ്യം 26: റാഫിദകളുടെ അടിസ്ഥാനങ്ങൾ അഹ്ലുൽ ബൈത്ത് വെച്ചുകൊടുത്തതാണോ?
ഉത്തരം: അഹ്ലുസ്സുന്നത്തി വൽ ജമാഅത്തിൽ നിന്ന് റാഫിദകൾ വഴിപിരിഞ്ഞുപോയ മുഴുവൻ അടിസ്ഥാനങ്ങളിലും അവർ അലി رَضِيَ اللَّهُ عَنْهُ വിനും അഹ്ലുൽ ബൈത്തിലെ ഇമാമുകൾക്കും പൂർണ്ണമായും എതിരാണ്. [വാള്യം: 4, പേജ്: 16]
ചോദ്യം 27: ജഅ്ഫർ അസ്സ്വാദിഖിലേക്ക് റാഫിദകൾ ചേർത്തുപറയുന്ന കാര്യങ്ങളെക്കുറിച്ച് എന്തുപറയുന്നു?
ഉത്തരം: അദ്ദേഹത്തിന് മുമ്പുള്ള ആരുടെ പേരിലും പറയപ്പെടാത്ത അത്രയും കളവുകൾ ജഅ്ഫർ അസ്സ്വാദിഖിന്റെ പേരിലാണ് അവർ പറഞ്ഞിട്ടുള്ളത്. കുഴപ്പങ്ങളെല്ലാം ഉണ്ടായത് അദ്ദേഹത്തിന്റെ പേരിൽ കള്ളം കെട്ടിച്ചമച്ചവരിൽ നിന്നാണ്, അല്ലാതെ അദ്ദേഹത്തിൽ നിന്നല്ല. വിവിധ തരത്തിലുള്ള കളവുകൾ അദ്ദേഹത്തിലേക്ക് ചേർക്കപ്പെട്ടിരിക്കുന്നു. [വാള്യം: 4, പേജ്: 54]
ചോദ്യം 28: ആലുബൈത്തിലേക്ക് (നബികുടുംബത്തിലേക്ക്) റാഫിദകൾ തങ്ങളെത്തന്നെ ചേർത്തുപറയുന്നതിനെക്കുറിച്ച് എന്തുപറയുന്നു?
ഉത്തരം: ഹുസൈൻ رَضِيَ اللَّهُ عَنْهُ വിന്റെ സന്താന പരമ്പരക്ക് നേരിടേണ്ടി വന്ന ഏറ്റവും വലിയ വിപത്തുകളിലൊന്നാണ് റാഫിദകൾ അവരിലേക്ക് ചേർക്കപ്പെടുക എന്നത്. [വാള്യം: 4, പേജ്: 60]
ചോദ്യം 29: റാഫിദകൾ തങ്ങളുടെ മതവും മദ്ഹബും തെളിയിക്കാൻ എന്താണ് ഉപയോഗിക്കാറുള്ളത്?
ഉത്തരം: റാഫിദകളുടെ മിക്കവാറും തെളിവുകൾ അവരുടെ അറിവുകേടിനും അതിക്രമത്തിനും യോജിച്ച ചില കവിതകളും, അവരുടെ അറിവുകേടിനും കളവിനും യോജിച്ച ചില കെട്ടിച്ചമച്ച കഥകളുമാണ്. വിവേകമുള്ള ഒരാളും ഇത്തരം കവിതകളെ മതത്തിന്റെ അടിസ്ഥാനങ്ങൾ സ്ഥിരപ്പെടുത്താൻ തെളിവായി എടുക്കുകയില്ല. [വാള്യം: 4, പേജ്: 66]
ചോദ്യം 30: കവിതകൾക്ക് ഇസ്ലാമിനെ സേവിക്കുന്നതിൽ പങ്കുണ്ടല്ലോ, നിങ്ങൾ എന്തെങ്കിലും കവിതകൾ രേഖപ്പെടുത്തിയിട്ടുണ്ടോ?
ഉത്തരം: ഉണ്ട്, സച്ചരിതരായ മുൻഗാമികളുടെ മൻഹജ് വ്യക്തമാക്കുന്ന ഒരു കവിത മിൻഹാജുസ്സുന്നയിൽ ശൈഖുൽ ഇസ്ലാം നൽകിയിട്ടുണ്ട്. അതിന്റെ അർത്ഥം ഇപ്രകാരമാണ്:
“അല്ലാഹുവിലേക്ക് സാമീപ്യം നേടാനും നരകത്തിൽ നിന്ന് രക്ഷപ്പെടാനും ഉതകുന്ന ഒരു മദ്ഹബ് നീ ആഗ്രഹിക്കുന്നുവെങ്കിൽ; അല്ലാഹുവിന്റെ ഗ്രന്ഥവും, ഉത്തമരായ ആളുകൾ റസൂൽ ﷺ യിൽ നിന്ന് കൈമാറിയ സുന്നത്തുകളും നീ മതമായി സ്വീകരിക്കുക. റഫ്ളിന്റെ മതവും (റാഫിദകളുടെ മതം), അതിന്റെ പ്രബോധകൻ നിന്നെ നരകത്തിലേക്കും നിന്ദ്യതയിലേക്കും നയിക്കുന്ന ബിദ്അത്തുകളും നീ ഉപേക്ഷിക്കുക. പ്രവാചകന്റെ സ്വഹാബികളുടെ പിന്നാലെ നീ സഞ്ചരിക്കുക; കാരണം അവർ സന്മാർഗ്ഗത്തിന്റെ നക്ഷത്രങ്ങളാണ്, അവരുടെ പ്രകാശത്തിലാണ് വഴിനടക്കുന്നവൻ നേർവഴി കണ്ടെത്തുന്നത്. റഫ്ളിന്റെ വഴിയിൽ നിന്ന് നീ മാറിനിൽക്കുക; കാരണം അത് തകർന്നുവീഴാറായ ഒരു വക്കിൽ കുഫ്റിന്റെ മേൽ പടുത്തുയർത്തപ്പെട്ടതാണ്. സന്മാർഗ്ഗവും സൗഭാഗ്യവും, അല്ലെങ്കിൽ കാഫിറുകളുടെ വഴികേടോടൊപ്പമുള്ള ദൗർഭാഗ്യവും എന്നിങ്ങനെ രണ്ട് വഴികളാണുള്ളത്. അല്ലാഹു വിധിക്കുമ്പോൾ ഈ രണ്ട് വിഭാഗത്തിൽ ആരാണ് നിർഭയത്വത്തിന് അർഹരും നേർവഴിയിലുള്ളവരും? പ്രവാചകന്റെ സ്വഹാബികളെ ശപിക്കുകയും, ഖുർആനിന് വിരുദ്ധമായി പ്രവർത്തിക്കുകയും, സ്ഥിരപ്പെട്ട ഹദീസുകളെ വിലവെക്കാതിരിക്കുകയും ചെയ്യുന്നവനാണോ? അതോ, പരിശുദ്ധരായ നബികുടുംബത്തോടുള്ള സ്നേഹത്തോടൊപ്പം തന്നെ സ്വഹാബികളുടെ മൻഹജ് പിന്തുടർന്ന് വഹ്യ് പിൻപറ്റുന്നവനാണോ?” [വാള്യം: 4, പേജ്: 128]
ചോദ്യം 31: റാഫിദകളുടെ മദ്ഹബ് എന്തെല്ലാമാണ് ഉൾക്കൊള്ളുന്നത്?
ഉത്തരം: വെറുക്കപ്പെട്ട വൻ ബിദ്അത്തുകളെല്ലാം അവർ ഒരുമിച്ചുകൂട്ടിയിരിക്കുന്നു; അവർ ഒരേസമയം ജഹ്മിയ്യകളും ഖദരിയ്യകളും റാഫിദകളുമാണ്. [വാള്യം: 4, പേജ്: 131]
ചോദ്യം 32: റാഫിദകളുടെ മദ്ഹബ് പരസ്പരവിരുദ്ധങ്ങളായ കാര്യങ്ങൾ ഉൾക്കൊള്ളുന്നുണ്ടോ?
ഉത്തരം: റാഫിദകൾ അവരുടെ അറിവുകേടും കളവും കാരണം വ്യക്തമായ പരസ്പരവിരുദ്ധമായ കാര്യങ്ങളാണ് പറയുന്നത്. അവർ തികച്ചും വിഭിന്നമായ വാദങ്ങളിലാണുള്ളത്; സത്യത്തിൽ നിന്ന് തെറ്റിക്കപ്പെട്ടവരാണ് അതിൽ നിന്ന് തെറ്റിക്കപ്പെടുന്നത്. [വാള്യം: 4, പേജ്: 285]
ചോദ്യം 33: റാഫിദകൾ യഥാർത്ഥത്തിൽ അലി رَضِيَ اللَّهُ عَنْهُ വിനെ സ്നേഹിക്കുന്നവരാണോ?
ഉത്തരം: ജനങ്ങളിൽ വെച്ച് അലി رَضِيَ اللَّهُ عَنْهُ വിനോട് ഏറ്റവും കൂടുതൽ വെറുപ്പ് കാണിക്കുന്നവരാണവർ. [വാള്യം: 4, പേജ്: 296]
ചോദ്യം 34: സത്യവിശ്വാസികളുടെ മാതാവായ ആഇശ رَضِيَ اللَّهُ عَنْهَا യോടുള്ള അവരുടെ നിലപാടെന്താണ്?
ഉത്തരം: അവർ ആഇശ رَضِيَ اللَّهُ عَنْهَا യെ വലിയ അപരാധങ്ങൾ പറഞ്ഞ് ആക്ഷേപിക്കുന്നു. അല്ലാഹു ഖുർആനിലൂടെ പരിശുദ്ധയാണെന്ന് പ്രഖ്യാപിച്ച വ്യഭിചാരം വരെ അവരിൽ ചിലർ ആ മഹതിയോടു ചേർത്തുപറയുന്നു. [വാള്യം: 4, പേജ്: 344]
ചോദ്യം 35: അവരുടെ ഈ പ്രവൃത്തി നബി ﷺ യെ ഉപദ്രവിക്കുന്നതാണോ?
ഉത്തരം: ഒരാളുടെ ഭാര്യ വ്യഭിചാരിണിയാണെന്ന് ഒരാൾ കളവായി പറയുക എന്നത് ഒരു മനുഷ്യനെ സംബന്ധിച്ചിടത്തോളം ഏറ്റവും വലിയ ഉപദ്രവമാണെന്ന് എല്ലാവർക്കുമറിയാവുന്നതാണല്ലോ. [വാള്യം: 4, പേജ്: 345-346]
ചോദ്യം 36: റാഫിദകളുടെ മദ്ഹബ് പുതുതായി നിർമ്മിച്ചത് ആരാണ്?
ഉത്തരം: റാഫിദ മദ്ഹബ് പുതുതായി ഉണ്ടാക്കിയത് ഇസ്ലാം മതത്തോടും മുസ്ലിംകളോടും കടുത്ത ശത്രുതയുള്ള ഒരു സന്ദീഖ് (മതനിഷേധി) ആയിരുന്നു. (ഇബ്നു സബഇനെക്കുറിച്ചാണ് സൂചന). [വാള്യം: 4, പേജ്: 362]
ചോദ്യം 37: അവർ അലി رَضِيَ اللَّهُ عَنْهُ വിനെ എങ്ങനെയാണ് വിശേഷിപ്പിക്കുന്നത്?
ഉത്തരം: റാഫിദകൾ പരസ്പരവിരുദ്ധമായാണ് സംസാരിക്കുന്നത്. റസൂൽ ﷺ യുടെ മതത്തെ സഹായിച്ചവനാണെന്നും, അദ്ദേഹമില്ലായിരുന്നുവെങ്കിൽ മതം നിലനിൽക്കില്ലായിരുന്നുവെന്നും അവർ അലി رَضِيَ اللَّهُ عَنْهُ വിനെ വിശേഷിപ്പിക്കുന്നു. അതിനുശേഷം ഇതിന് തികച്ചും വിരുദ്ധമായി, അദ്ദേഹത്തിന് യാതൊന്നിനും കഴിവില്ലെന്നും അദ്ദേഹം നിന്ദ്യനാണെന്നും അവർ വിശേഷിപ്പിക്കുന്നു. [വാള്യം: 4, പേജ്: 485]
സ്വഹാബികളോടുള്ള അവരുടെ നിലപാട് (ചോദ്യങ്ങൾ 38 – 43)
ചോദ്യം 38: റാഫിദകൾ സ്വഹാബികളെ ഇബ്ലീസിനെക്കാൾ മോശക്കാരാക്കുന്നു; ഇതിനുള്ള നിങ്ങളുടെ മറുപടിയെന്താണ്?
ഉത്തരം: റസൂൽ ﷺ യുടെ സ്വഹാബികളെ ഇബ്ലീസിനെക്കാൾ മോശക്കാരാക്കുന്നവൻ അല്ലാഹുവിന്റെയും റസൂലിന്റെയും സത്യവിശ്വാസികളുടെയും മേൽ കെട്ടിച്ചമക്കാൻ ഇനി വേറെന്ത് നുണയാണുള്ളത്! ഏറ്റവും ഉത്തമരായ തലമുറക്കെതിരെയുള്ള അതിക്രമമാണിത്. അല്ലാഹു അവന്റെ ദൂതന്മാരെയും സത്യവിശ്വാസികളെയും ഐഹികലോകത്തുവെച്ചും സാക്ഷികൾ നിൽക്കുന്ന ദിവസത്തിലും (പരലോകത്തും) സഹായിക്കുക തന്നെ ചെയ്യും. [വാള്യം: 4, പേജ്: 516]
ചോദ്യം 39: അവരുടെ ശൈഖുമാരെ താങ്കൾക്ക് എങ്ങനെ വിശദീകരിക്കാൻ കഴിയും?
ഉത്തരം: അവരിൽ ഒരാൾ താൻ പറയുന്നത് അസത്യമാണെന്ന് അറിഞ്ഞുകൊണ്ട് തന്നെ അത് പരസ്യമാക്കുകയും ഇത് അല്ലാഹുവിങ്കൽ നിന്നുള്ള സത്യമാണെന്ന് പറയുകയും ചെയ്താൽ, അയാൾ ജൂതന്മാരുടെ പണ്ഡിതന്മാരുടെ ഗണത്തിലാണ് പെടുക. സ്വന്തം കൈകൊണ്ട് ഗ്രന്ഥമെഴുതിയിട്ട് തുച്ഛമായ വില നേടാൻ വേണ്ടി ‘ഇത് അല്ലാഹുവിങ്കൽ നിന്നുള്ളതാണ്’ എന്ന് പറയുന്ന ജൂതന്മാരെപ്പോലെ. അവരുടെ കൈകൾ എഴുതിയതിലും അവർ സമ്പാദിച്ചതിലും അവർക്ക് നാശമുണ്ട്. എന്നാൽ താൻ പറയുന്നത് സത്യമാണെന്ന് അയാൾ വിശ്വസിക്കുന്നുവെങ്കിൽ, അത് അയാളുടെ അങ്ങേയറ്റത്തെ അറിവുകേടിനെയും വഴികേടിനെയുമാണ് കുറിക്കുന്നത്. [വാള്യം: 5, പേജ്: 162]
ചോദ്യം 40: അബൂ ജഅ്ഫർ അൽ-ബാഖിറിനെയും ജഅ്ഫർ ബിൻ മുഹമ്മദ് അസ്സ്വാദിഖിനെയും കുറിച്ച് താങ്കൾക്കെന്താണ് പറയാനുള്ളത്?
ഉത്തരം: അവർ മുസ്ലിംകളുടെ നേതാക്കന്മാരും മതത്തിലെ ഇമാമുകളുമാണെന്നതിൽ യാതൊരു സംശയവുമില്ല. അവരെപ്പോലുള്ളവരുടെ വാക്കുകൾക്ക് ലഭിക്കേണ്ട പരിഗണനയും സ്ഥാനവും അവർക്കുണ്ട്. എന്നാൽ അവരിൽ നിന്ന് (ശിയാക്കൾ വഴി) ഉദ്ധരിക്കപ്പെടുന്ന മിക്ക കാര്യങ്ങളും കളവാണ്. [വാള്യം: 5, പേജ്: 163]
ചോദ്യം 41: അഹ്ലുസ്സുന്ന അലി رَضِيَ اللَّهُ عَنْهُ വിനെ എങ്ങനെയാണ് നോക്കിക്കാണുന്നത്?
ഉത്തരം: അഹ്ലുസ്സുന്ന അദ്ദേഹത്തെ സ്നേഹിക്കുകയും അംഗീകരിക്കുകയും ചെയ്യുന്നു. സന്മാർഗ്ഗം പ്രാപിച്ച ഖുലഫാഉർറാശിദുകളിൽ (സച്ചരിതരായ ഖലീഫമാർ) ഒരാളാണ് അദ്ദേഹം എന്ന് അവർ സാക്ഷ്യം വഹിക്കുകയും ചെയ്യുന്നു. [വാള്യം: 6, പേജ്: 18]
ചോദ്യം 42: ഉമർ അൽ-ഫാറൂഖ് رَضِيَ اللَّهُ عَنْهُ വിനെ റാഫിദകൾ എന്താണ് വിളിക്കുന്നത്?
ഉത്തരം: ഈ സമുദായത്തിലെ ‘ഫിർഔൻ’ എന്നാണ് റാഫിദകൾ അദ്ദേഹത്തെ വിളിക്കുന്നത്. [വാള്യം: 6, പേജ്: 164]
ചോദ്യം 43: അബൂബക്കർ, ഉമർ (رَضِيَ اللَّهُ عَنْهُمَا) എന്നിവരോടുള്ള അലി رَضِيَ اللَّهُ عَنْهُ വിന്റെ നിലപാട് എന്തായിരുന്നു?
ഉത്തരം: അവർ രണ്ടുപേരോടുമുള്ള അദ്ദേഹത്തിന്റെ സ്നേഹവും കൂറും, അവരെ അദ്ദേഹം ആദരിച്ചതും ഈ സമുദായത്തിലെ മറ്റെല്ലാവരെക്കാളും അവരെ മുന്തിച്ചതും അദ്ദേഹത്തിൽ നിന്ന് മുവാത്തിറായി (സംശയാതീതമായി) സ്ഥിരപ്പെട്ട കാര്യമാണ്. ആ കാര്യങ്ങളിലെ അദ്ദേഹത്തിന്റെ അവസ്ഥ ഏവർക്കും അറിയാവുന്നതാണ്. അവർ രണ്ടുപേർക്കുമെതിരെ ഒരു മോശം വാക്കുപോലും അദ്ദേഹം പറഞ്ഞതായി അറിവില്ല. അവരെക്കാൾ ഭരണത്തിന് അർഹത തനിക്കാണെന്നും അദ്ദേഹം പറഞ്ഞിട്ടില്ല. വിവരമുള്ളവർക്കും അല്ലാത്തവർക്കും, വിശ്വസ്തരുടെ നിവേദനങ്ങളിലൂടെ സ്ഥിരപ്പെട്ട ചരിത്രം പഠിച്ച എല്ലാവർക്കും അറിയാവുന്ന കാര്യമാണിത്. [വാള്യം: 6, പേജ്: 178]
സമുദായത്തിൽ അവർ ഉണ്ടാക്കിയ കുഴപ്പങ്ങൾ (ചോദ്യങ്ങൾ 44 – 52)
ചോദ്യം 44: റാഫിദകൾ വ്യതിചലിച്ചവരാണ?
ഉത്തരം: അല്ലാഹുവും റസൂലും ആക്ഷേപിച്ച ഫിത്നകൾ (കുഴപ്പങ്ങൾ) കാംക്ഷിക്കുന്ന വ്യതിചലിച്ചവരിൽ ഏറ്റവും മോശക്കാരാണവർ. [വാള്യം: 6, പേജ്: 268]
ചോദ്യം 45: റാഫിദകളുടെ നിവേദനങ്ങളും വാക്കുകളും ഉൾക്കൊള്ളുന്ന സംസാരങ്ങൾ പരസ്പരവിരുദ്ധങ്ങളാണോ?
ഉത്തരം: പരസ്പരം പൊളിക്കുന്ന, പരസ്പരവിരുദ്ധങ്ങളായ കാര്യങ്ങളാണ് റാഫിദകൾ സംസാരിക്കുന്നത്. [വാള്യം: 6, പേജ്: 290]
ചോദ്യം 46: ഇസ്ലാമിൽ ഫിത്ന എവിടെ നിന്നാണ് പ്രത്യക്ഷപ്പെട്ടത്?
ഉത്തരം: ഇസ്ലാമിൽ ഫിത്ന പ്രത്യക്ഷപ്പെട്ടത് ശിയാക്കളിൽ നിന്നാണ്. കാരണം അവരാണ് എല്ലാ ഫിത്നകളുടെയും തിന്മകളുടെയും അടിസ്ഥാനം. ഫിത്നകളുടെ അച്ചുതണ്ട് അവരാണ്. [വാള്യം: 6, പേജ്: 364]
ചോദ്യം 47: അവർ തങ്ങളുടെ വാളുകൾ ആർക്കെതിരെയാണ് തിരിക്കുന്നത്?
ഉത്തരം: എല്ലാ ഫിത്നകളുടെയും വിപത്തുകളുടെയും അടിസ്ഥാനം ശിയാക്കളും അവരോടൊപ്പം ചേർന്നവരുമാണ്. ഇസ്ലാമിൽ ഊരപ്പെട്ട ഒട്ടുമിക്ക വാളുകളും അവരുടെ ഭാഗത്തുനിന്നായിരുന്നു. [വാള്യം: 6, പേജ്: 370]
ചോദ്യം 48: റാഫിദകളുടെ വലയിൽ വീണുപോയവരോട് നിങ്ങൾക്കെന്താണ് പറയാനുള്ളത്?
ഉത്തരം: മുൻകാലങ്ങളിൽ കഴിഞ്ഞുപോയവരെക്കുറിച്ച് കേൾക്കുന്നതും ഉദ്ധരിക്കപ്പെടുന്നതും നീ മാറ്റിവെക്കുക. എന്നിട്ട്, ബുദ്ധിയുള്ള ഏതൊരാളും തന്റെ കാലത്തോ അതല്ലെങ്കിൽ അതിനടുത്ത കാലത്തോ ഇസ്ലാമിൽ നടക്കുന്ന ഫിത്നകളെയും തിന്മകളെയും കുഴപ്പങ്ങളെയും കുറിച്ച് ചിന്തിച്ചുനോക്കട്ടെ; അവയിൽ ഒട്ടുമിക്കതും റാഫിദകളിൽ നിന്നാണെന്ന് അയാൾക്ക് കാണാൻ കഴിയും. ജനങ്ങളിൽ വെച്ച് ഏറ്റവും വലിയ കുഴപ്പക്കാരും തിന്മയുള്ളവരുമായി അവരെ നിനക്ക് കാണാം. ഇസ്ലാമിക സമുദായത്തിനിടയിൽ സാധ്യമായ എല്ലാ ഫിത്നകളും തിന്മകളും കുഴപ്പങ്ങളും ഉണ്ടാക്കുന്നതിൽ നിന്ന് അവർ ഒരിക്കലും വിട്ടുനിൽക്കുകയില്ല. [വാള്യം: 6, പേജ്: 372]
ചോദ്യം 49: റാഫിദകൾക്ക് അധികാരം നൽകുന്നവർക്ക് നിങ്ങൾ നൽകുന്ന സന്ദേശത്തിൽ എന്താണുള്ളത്?
ഉത്തരം: റാഫിദകൾക്ക് അധികാരം ലഭിച്ചാൽ അവർ ഒട്ടും സൂക്ഷ്മതയോ കാരുണ്യമോ കാണിക്കില്ല (അവർ തഖ്വ കാണിക്കില്ല). [വാള്യം: 6, പേജ്: 375]
ചോദ്യം 50: റാഫിദകൾ അഹ്ലുസ്സുന്നയോട് കാപട്യം കാണിക്കുകയും അവരെ വഞ്ചിക്കുകയും ചെയ്യുന്നുവല്ലോ, അതെങ്ങനെയാണ്?
ഉത്തരം: അഹ്ലുസ്സുന്നയോട് ഏറ്റവും കൂടുതൽ സ്നേഹം പുറമെ പ്രകടിപ്പിക്കുന്നവരാണ് റാഫിദകൾ. അവരിൽ ഒരാളും തന്റെ യഥാർത്ഥ മതം പുറത്തുകാണിക്കില്ല. അഹ്ലുസ്സുന്നയോട് അടുക്കാൻ വേണ്ടി സ്വഹാബികളുടെ പുണ്യങ്ങളും, അവരെ പ്രശംസിക്കുന്ന കവിതകളും, റാഫിദകളെ ആക്ഷേപിക്കുന്ന കവിതകളും വരെ അവർ മനഃപാഠമാക്കി വെക്കുന്നു. [വാള്യം: 6, പേജ്: 423]
ചോദ്യം 51: കൂടുതൽ വ്യക്തമാക്കാമോ?
ഉത്തരം: ഒരു റാഫിദിയും നിഫാഖ് (കാപട്യം) ഉപയോഗിച്ചല്ലാതെ മറ്റൊരാളുമായി ഇടപഴകില്ല. അവന്റെ ഹൃദയത്തിലുള്ള മതം മോശപ്പെട്ട ഒരു മതമാണ്; കളവും വഞ്ചനയും ജനങ്ങളെ ചതിക്കലും അവരെക്കുറിച്ച് മോശം ആഗ്രഹിക്കലും ചെയ്യാൻ അത് അവനെ പ്രേരിപ്പിക്കുന്നു. അതിനാൽ അവർക്ക് നാശമുണ്ടാക്കാൻ അവൻ യാതൊരു മടിയും കാണിക്കില്ല, അവന് സാധിക്കുന്ന ഒരു തിന്മയും അവൻ ചെയ്യാതിരിക്കുകയുമില്ല. [വാള്യം: 6, പേജ്: 425]
ചോദ്യം 52: മുനാഫിഖുകളുടെ സവിശേഷതകൾ അവരിൽ കൂടുതലാണോ?
ഉത്തരം: കളവ്, ചതി, വഞ്ചന എന്നീ വിശേഷണങ്ങൾ അല്ലാഹു പല സ്ഥലങ്ങളിലും മുനാഫിഖുകളെക്കുറിച്ച് പറഞ്ഞിട്ടുണ്ട്. ഈ സ്വഭാവങ്ങൾ റാഫിദകളെക്കാൾ കൂടുതലായി മറ്റൊരു കക്ഷിയിലും കാണാൻ കഴിയില്ല. [വാള്യം: 6, പേജ്: 427]
റാഫിദ മദ്ഹബിന്റെ ഉത്ഭവവും ലക്ഷ്യവും (ചോദ്യങ്ങൾ 53 – 62)
ചോദ്യം 53: റാഫിദ മദ്ഹബ് ഇസ്ലാമിന് ശത്രുവാണോ?
ഉത്തരം: ഖുർആനെയും റസൂലിനെയും ഇസ്ലാം മതത്തെയും ഇകഴ്ത്തുക എന്ന ലക്ഷ്യത്തോടെ, സന്ദീഖുകളും മുനാഫിഖുകളുമായ ചില ആളുകൾ ഉണ്ടാക്കിയതാണ് റഫ്ളിന്റെ (റാഫിദകളുടെ) അടിസ്ഥാനം. [വാള്യം: 7, പേജ്: 9]
ചോദ്യം 54: അത് അതിന്റെ അനുയായികളെ എന്തിലേക്കാണ് എത്തിക്കുന്നത്?
ഉത്തരം: കുഫ്റിലേക്കും ഇൽഹാദിലേക്കും പ്രവേശിക്കാനുള്ള ഏറ്റവും വലിയ വാതിലും ഇടനാഴിയുമാണ് റഫ്ള്. [വാള്യം: 7, പേജ്: 10]
ചോദ്യം 55: അതിന്റെ ഉത്ഭവവും വേരുകളും എവിടെ നിന്നാണ്?
ഉത്തരം: ശിർക്ക്, ഇൽഹാദ്, നിഫാഖ് എന്നിവയിൽ നിന്നാണ് റഫ്ള് രൂപപ്പെട്ടത്. [വാള്യം: 7, പേജ്: 27]
ചോദ്യം 56: ഈ മദ്ഹബ് പുതുതായി ഉണ്ടാക്കിയതിന്റെ ലക്ഷ്യമെന്താണ്?
ഉത്തരം: റഫ്ള് പുതുതായി ഉണ്ടാക്കിയവന്റെ ലക്ഷ്യം ഇസ്ലാം മതത്തെ നശിപ്പിക്കലും, അതിന്റെ ബന്ധങ്ങളെ തകർക്കലും, വേരോടെ പിഴുതെറിയലുമായിരുന്നു.. ഇബ്നു സബഇൽ നിന്നും അയാളുടെ അനുയായികളിൽ നിന്നും അറിയപ്പെട്ട കാര്യമാണിത്. അലി رَضِيَ اللَّهُ عَنْهُ വിന്റെ കാര്യത്തിൽ പ്രമാണമുണ്ടെന്ന് പുതുതായി വാദിച്ചതും, അദ്ദേഹം പാപസുരക്ഷിതനാണെന്ന് പറഞ്ഞതും അവനാണ്. [വാള്യം: 7, പേജ്: 219-220]
ചോദ്യം 57: അഹ്ലുൽ ബൈത്തിന് റാഫിദകളുടെ മദ്ഹബുമായി എന്തെങ്കിലും ബന്ധമുണ്ടോ?
ഉത്തരം: റാഫിദ മദ്ഹബിന്റെ പ്രത്യേകതകളായിട്ടുള്ള യാതൊരു കാര്യത്തോടും അഹ്ലുൽ ബൈത്ത് യോജിച്ചിട്ടില്ല, സർവ്വസ്തുതിയും അല്ലാഹുവിനാണ്. മറിച്ച് അതിലെ മാലിന്യങ്ങളിൽ നിന്നെല്ലാം പൂർണ്ണമായും മുക്തരും പരിശുദ്ധരുമാണവർ. [വാള്യം: 7, പേജ്: 395]
ചോദ്യം 58: സച്ചരിതരായ ഖലീഫമാരോട് അഹ്ലുൽ ബൈത്തിന്റെ നിലപാടെന്തായിരുന്നുവെന്നാണ് സ്ഥിരപ്പെട്ട നിവേദനങ്ങളിൽ ഉള്ളത്?
ഉത്തരം: താബിഈങ്ങളിലും അവരെ പിൻപറ്റിയവരിലുമുള്ള ബനൂ ഹാശിമുകാരായ മുഴുവൻ അഹ്ലുൽ ബൈത്ത് പണ്ഡിതന്മാരിൽ നിന്നും, അലി رَضِيَ اللَّهُ عَنْهُ വിന്റെ മക്കളായ ഹുസൈൻ, ഹസൻ (رَضِيَ اللَّهُ عَنْهُمَا) എന്നിവരുടെ മക്കളിൽ നിന്നും മറ്റുള്ളവരിൽ നിന്നുമെല്ലാം സ്ഥിരപ്പെട്ട നിവേദനം ഇതാണ്: അവർ അബൂബക്കർ, ഉമർ (رَضِيَ اللَّهُ عَنْهُمَا) എന്നിവരെ സ്നേഹിക്കുന്നവരായിരുന്നു. അലി رَضِيَ اللَّهُ عَنْهُ വിനെക്കാൾ അവർ ഈ രണ്ടുപേരെയും മുന്തിച്ചിരുന്നു. അവരിൽ നിന്നുള്ള ഈ നിവേദനങ്ങൾ സംശയാതീതമായി സ്ഥിരപ്പെട്ടതാണ്. [വാള്യം: 7, പേജ്: 396]
ചോദ്യം 59: തങ്ങൾ അഹ്ലുൽ ബൈത്തിനെ ബഹുമാനിക്കുന്നവരാണെന്ന് റാഫിദകൾ വാദിക്കുന്നുണ്ടല്ലോ, ഇത് സത്യമാണോ?
ഉത്തരം: ജനങ്ങളിൽ വെച്ച് അഹ്ലുൽ ബൈത്തിനെ ഏറ്റവും കൂടുതൽ ഇകഴ്ത്തുകയും ആക്ഷേപിക്കുകയും ചെയ്യുന്നവരാണ് റാഫിദകൾ. [വാള്യം: 7, പേജ്: 408]
ചോദ്യം 60: റാഫിദകളുടെ അവസാനത്തെ അവസ്ഥ എന്താണ്?
ഉത്തരം: സ്വഹാബികളെയും ഭൂരിപക്ഷം വരുന്ന മുസ്ലിംകളെയും കാഫിറാക്കിയതിന് ശേഷം, അലി رَضِيَ اللَّهُ عَنْهُ വിനെയും അദ്ദേഹത്തിന്റെ കുടുംബത്തെയും കാഫിറാക്കുക എന്നതാണ് അവരുടെ അവസാനത്തെ അവസ്ഥ. [വാള്യം: 7, പേജ്: 409]
ചോദ്യം 61: റാഫിദകൾ എന്തിനുവേണ്ടിയാണ് പരിശ്രമിക്കുന്നത്?
ഉത്തരം: ഇസ്ലാമിനെ തകർക്കാനും, അതിന്റെ ബന്ധങ്ങളെ പൊട്ടിക്കാനും, അതിന്റെ അടിസ്ഥാനങ്ങളെ നശിപ്പിക്കാനും അല്ലാതെ റാഫിദകൾക്ക് മറ്റൊരു പരിശ്രമവുമില്ല. [വാള്യം: 7, പേജ്: 415]
ചോദ്യം 62: റാഫിദ മദ്ഹബിന് ഇസ്ലാമുമായി എന്തെങ്കിലും ബന്ധമുണ്ടോ?
ഉത്തരം: ഇസ്ലാം മതത്തെക്കുറിച്ച് നേരിയ അറിവുള്ളവർക്ക് പോലും റാഫിദ മദ്ഹബ് അതിന് പൂർണ്ണമായും വിരുദ്ധമാണെന്ന് മനസ്സിലാക്കാൻ കഴിയും. [വാള്യം: 8, പേജ്: 497]
അവലംബം:
‘മിൻഹാജുസ്സുന്നത്തി അന്നബവിയ്യ’ (منهاج السنة النبوية).
രചന : ശൈഖുൽ ഇസ്ലാം അഹ്മദ് ബിൻ തൈമിയ്യ رَحِمَهُ اللَّهُ.
ക്രോഡീകരണം : ശരീഫ് ബിൻ അലി.
