വിദ്യാർത്ഥികൾക്കുള്ള എന്റെ ഉപദേശം| ശൈഖ് മുഖ്ബിൽ ബിൻ ഹാദീ അൽ-വാദിഈ

അല്ലാഹുവിനു വേണ്ടി വിദ്യാർത്ഥികളായ എന്റെ സഹോദരങ്ങൾക്ക് ചുരുങ്ങിയ ചില കാര്യങ്ങൾ ഞാൻ ഉപദേശിക്കുകയാണ്. ഇവിടെ അത് പൂർണ്ണമായി വിശദീകരിക്കാൻ സമയമില്ല. കാരണം, അറിവിന്റെയും പണ്ഡിതന്മാരുടെയും ശ്രേഷ്ഠതയെക്കുറിച്ച് ധാരാളം ഗ്രന്ഥങ്ങൾ രചിക്കപ്പെട്ടിട്ടുണ്ട്. അതിനാൽ ഞാൻ അവരോട് ഉപദേശിക്കുന്നത്:

അല്ലാഹുവിന് മാത്രമായി ഇഖ്ലാസ് പുലർത്തുക

അല്ലാഹുവിന്റെ വചനം:

وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ

“കീഴ്‌വണക്കം അല്ലാഹുവിന് മാത്രം ആക്കിക്കൊണ്ട് ഋജുമനസ്കരായ നിലയില്‍ അവനെ ആരാധിക്കുവാനും അല്ലാതെ അവരോട് കൽപിക്കപ്പെട്ടിട്ടില്ല.”¹

ഉമർ رَضِيَ اللَّهُ عَنْهُ വിൽ നിന്നും നിവേദനം. അല്ലാഹുവിന്റെ റസൂൽ ﷺ പറഞ്ഞു:

إنما الأعمال بالنيات ، وإنما لكل امرئٍ ما نوى ، فمن كانت هجرته إلى الله ورسوله فهجرته إلى الله ورسوله ، ، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه

“തീർച്ചയായും കർമ്മങ്ങൾ പരിഗണിക്കപ്പെടുന്നത് ഉദ്ദേശ്യങ്ങളെ അടിസ്ഥാനമാക്കിയാണ്. ഓരോ വ്യക്തിക്കും താൻ ഉദ്ദേശിച്ചത് മാത്രമേ ലഭിക്കുകയുള്ളൂ. ഒരാളുടെ പലായനം അല്ലാഹുവിലേക്കും അവന്റെ റസൂലിലേക്കുമാണെങ്കിൽ, അയാളുടെ ഹിജ്റ അല്ലാഹുവിലേക്കും റസൂലിലേക്കും തന്നെയാണ്. എന്നാൽ, ഭൗതിക നേട്ടങ്ങൾ കരസ്ഥമാക്കുന്നതിനോ, ഏതെങ്കിലും സ്ത്രീയെ വിവാഹം കഴിക്കുന്നതിനോ വേണ്ടിയായിരുന്നു അയാളുടെ ഹിജ്റയെങ്കിൽ, അയാളുടെ ഹിജ്റ എന്തിനുവേണ്ടിയായിരുന്നോ അതിലേക്ക് മാത്രമായിരിക്കും.”²

അതിനാൽ, ഒരു സർട്ടിഫിക്കറ്റിനോ മറ്റ് ഭൗതിക ലക്ഷ്യങ്ങൾക്കോ വേണ്ടി അറിവ് തേടരുത്.

അറിവ് കരസ്ഥമാക്കുന്നതിലും, അത് ഓർത്തെടുക്കുന്നതിലും, പരിപാലിക്കുന്നതിലും, സംരക്ഷിക്കുന്നതിലും, അത് ജനങ്ങളിലെത്തിക്കുന്നതിലുമുള്ള ക്ഷമ

അല്ലാഹുവിന്റെ വചനം:

وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا

“അവർ ക്ഷമകൈക്കൊള്ളുകയും, നമ്മുടെ വചനങ്ങളിൽ ദൃഢമായി വിശ്വസിക്കുന്നവരായിരിക്കുകയും ചെയ്തപ്പോൾ അവരിൽ നിന്ന് നമ്മുടെ കൽപനപ്രകാരം മാർഗദർശനം നൽകുന്ന നേതാക്കളെ നാം ഉണ്ടാക്കി.”³

നബി ﷺ പറഞ്ഞു:

الصبر ضياء

“ക്ഷമ പ്രകാശമാണ്.”⁴

യഹ്‌യ ബിൻ അബീ കസീർ തന്റെ മകനോട് പറഞ്ഞു: “ശരീരത്തിന് വിശ്രമം നൽകിക്കൊണ്ട് അറിവ് കരസ്ഥമാക്കാൻ സാധ്യമല്ല.” അബ്ദുല്ലാഹിബ്‌നു ഉമർ رَضِيَ اللَّهُ عَنْهُ പറഞ്ഞു: “മതവിദ്യാർത്ഥിയോട് ഇരുമ്പിന്റെ രണ്ട് ചെരുപ്പുകൾ കരുതിവെക്കാൻ പറയുക.”

അല്ലാഹുവിനെ ഭയപ്പെടുക

അല്ലാഹുവിന്റെ വചനം:

يَا أَيُّهَا الَّذِينَ آمَنُوا إِنْ تَتَّقُوا اللَّهَ يَجْعَلْ لَكُمْ فُرْقَانًا

“സത്യവിശ്വാസികളേ, നിങ്ങൾ അല്ലാഹുവെ സൂക്ഷിച്ചു ജീവിക്കുകയാണെങ്കിൽ സത്യാസത്യങ്ങളെ വിവേചിച്ചറിയാനുള്ള ഒരു മാർഗം അവൻ നിങ്ങൾക്ക് ഉണ്ടാക്കിത്തരും.”⁵

അല്ലാഹുവിന്റെ വചനം:

يَا أَيُّهَا الَّذِينَ آَمَنُوا اتَّقُوا اللَّهَ وَآَمِنُوا بِرَسُولِهِ يُؤْتِكُمْ كِفْلَيْنِ مِنْ رَحْمَتِهِ وَيَجْعَلْ لَكُمْ نُورًا تَمْشُونَ بِهِ وَيَغْفِرْ لَكُمْ

“സത്യവിശ്വാസികളേ, നിങ്ങൾ അല്ലാഹുവെ സൂക്ഷിക്കുകയും അവന്റെ ദൂതനിൽ വിശ്വസിക്കുകയും ചെയ്യുക. എങ്കിൽ അവൻ നിങ്ങൾക്ക് തന്റെ കാരുണ്യത്തിൽ നിന്നും രണ്ട് പങ്ക് നൽകുകയും, നിങ്ങൾക്ക് നടന്നുപോകുവാൻ ഒരു പ്രകാശം അവൻ ഉണ്ടാക്കിത്തരികയും, അവൻ നിങ്ങൾക്ക് പൊറുത്തുതരികയും ചെയ്യുന്നതാണ്.”⁶

അല്ലാഹുവിന്റെ വചനം:

وَاتَّقُوا اللَّهَ وَيُعَلِّمُكُمُ اللَّهُ

“നിങ്ങൾ അല്ലാഹുവെ സൂക്ഷിക്കുക. അല്ലാഹു നിങ്ങൾക്ക് പഠിപ്പിച്ചുതരുന്നതാണ്.”⁷

മതപഠനത്തിലുള്ള തുടർച്ചയും സ്ഥിരതയും

അല്ലാഹുവിന്റെ റസൂൽ ﷺ ക്ക് ഏറ്റവും ഇഷ്ടപ്പെട്ട കർമ്മം സ്ഥിരമായി ചെയ്യുന്നതായിരുന്നു. എത്രയോ വിദ്യാർത്ഥികൾ വളരെ ബുദ്ധിമാന്മാരായിരിക്കും, എന്നാൽ അവർ മതപഠനം ഇടക്കുവെച്ച് നിർത്തുകയോ മടുപ്പ് കാണിക്കുകയോ ചെയ്യുന്നു. അങ്ങനെയുള്ളവർ അതിൽ വിജയിക്കുകയില്ല. അബൂഹുറൈറ رَضِيَ اللَّهُ عَنْهُ പറയുന്നു:

لقد كنت امرأً مسكيناً ألزم رسول الله -صَلَّى اللهُ عَلَيْهِ وَعَلَى آلِهِ وَسَلَّمْ- على ملء بطني

“ഞാൻ ഒരു ദരിദ്രനായിരുന്നു. വയറുനിറയെ ആഹാരം മാത്രം പ്രതിഫലമായി സ്വീകരിച്ചുകൊണ്ട് ഞാൻ എപ്പോഴും അല്ലാഹുവിന്റെ റസൂൽ ﷺ യുടെ കൂടെത്തന്നെ കഴിയുമായിരുന്നു.”⁸

അങ്ങനെ അബൂഹുറൈറ رَضِيَ اللَّهُ عَنْهُ സ്വഹാബികളിലെ വലിയ ഹദീസ് മനഃപാഠമുള്ള ആളായി മാറി. സുഫ്‌യാൻ ബിൻ ഉയയ്‌ന رَحِمَهُ اللَّهُ, അംറ് ബിൻ ദീനാറിന്റെ കൂടെ ഏകദേശം ഇരുപത് വർഷത്തോളം ഒപ്പമുണ്ടായിരുന്നു. അങ്ങനെ അദ്ദേഹം ആ വിഷയത്തിൽ ആളുകളിൽ ഏറ്റവും കൂടുതൽ സ്ഥിരതയുള്ള ആളായി മാറി. അതുപോലെ മുഹമ്മദ് ബിൻ ജഅ്ഫർ (ഗുന്ദർ) رَحِمَهُ اللَّهُ, ശുഅ്ബയുടെ കൂടെ ഇരുപത് വർഷം സഹവസിച്ചു. അങ്ങനെ ശുഅ്ബയുടെ ഹദീസുകളുടെ കാര്യത്തിൽ അദ്ദേഹത്തിന്റെ ഗ്രന്ഥം തന്നെ വിധികർത്താവായി മാറി. ഇതെല്ലാം അറിവിനോടുള്ള സ്നേഹവും താല്പര്യവും കാരണത്താലാണ് സാധ്യമാകുന്നത്. എത്ര മനോഹരമായാണ് ഒരു കവി പറഞ്ഞിട്ടുള്ളത്:

سهري لتنقيح العلوم ألــذ لي مـن وصل غانية وطول عنـاقِ

“വിജ്ഞാനങ്ങളെ ശരിപ്പെടുത്തുന്നതിനു വേണ്ടി ഞാൻ ഉറക്കമൊഴിയുന്നത് സുന്ദരികളുടെ സാമീപ്യത്തെക്കാളും ദീർഘമായ ആലിംഗനത്തെക്കാളും എനിക്ക് ഏറ്റവും പ്രിയപ്പെട്ടതാണ്.”

وتمايلي طـرباً لحـل عـويصةٍ أحلـى وأشهى من مدامة ساقي

“സങ്കീർണ്ണമായ ഒരു പ്രശ്നത്തിന് പരിഹാരം കണ്ടെത്തുമ്പോഴുള്ള എന്റെ ആനന്ദപ്രകടനങ്ങൾ, മദ്യദാതാവ് നൽകുന്ന മദ്യത്തേക്കാൾ മധുരമുള്ളതും ഹൃദ്യവുമാണ്.”

وصـرير أقلامي على أوراقـها أحـلى مـن الدوكاة والعشاقِ

“കടലാസുകളിൽ എന്റെ പേനകൾ ഉരയുന്ന ശബ്ദം കാമുകന്മാരുടെ സല്ലാപങ്ങളെക്കാൾ എനിക്ക് മധുരതരമാണ്.”

وألـذ من نقـر الفتاة لدفهـا نقري لألقي الـرمل عن أوراقِ

“എന്റെ കടലാസുകളിൽ നിന്നും മണൽ തട്ടിക്കളയാനായി ഞാൻ കൊട്ടുന്ന ശബ്ദം, യുവതി തന്റെ ദഫിൽ കൊട്ടുന്നതിനേക്കാൾ എനിക്ക് ഏറ്റവും ആസ്വാദ്യകരമാണ്.”

أأبيت سهـران الـدجى وتبيته نـوماً وتبغي بعد ذاك لحـاقي

“രാത്രിയുടെ അന്ധകാരങ്ങളിൽ ഞാൻ ഉറക്കമൊഴിച്ചിരിക്കുമ്പോൾ നീ സുഖമായി ഉറങ്ങുന്നു, എന്നിട്ട് ഇതിനെല്ലാം ശേഷം എന്നോടൊപ്പം എത്തിച്ചേരണമെന്ന് നീ ആഗ്രഹിക്കുന്നുവോ?”

ശുഅ്ബ ബിൻ അൽ-ഹജ്ജാജ് رَحِمَهُ اللَّهُ ഒരു ഹദീസിനെക്കുറിച്ച് ഇപ്രകാരം പറയുന്നു: “ആ ഹദീസ് എനിക്ക് സ്വഹീഹായി ലഭിച്ചിരുന്നെങ്കിൽ, അതെന്റെ കുടുംബത്തെക്കാളും സമ്പത്തിനേക്കാളും മക്കളെക്കാളും മുഴുവൻ ജനങ്ങളെക്കാളും എനിക്ക് പ്രിയപ്പെട്ടതാകുമായിരുന്നു.”

കൂടാതെ, മതപഠനത്തിൽ നിന്ന് നിന്നെ വ്യതിചലിപ്പിക്കുന്ന പ്രശ്നങ്ങളിൽ നിന്നും തിരക്കുകളിൽ നിന്നും നീ അകലം പാലിക്കുകയും വേണം.

വിദ്യാർത്ഥീ, നിനക്കുള്ള എന്റെ ഉപദേശമിതാണ്: നമ്മുടെ മുൻഗാമികളായ പണ്ഡിതന്മാരുടെ ഗ്രന്ഥങ്ങൾക്ക് വലിയ പ്രാധാന്യം നൽകുക. ആറ് ഹദീസ് ഗ്രന്ഥങ്ങൾ, മുസ്നദ് അഹ്മദ്, അതിനുപുറമെ നമ്മുടെ പണ്ഡിതന്മാരുടെ رَحِمَهُمُ اللَّهُ മറ്റു ഗ്രന്ഥങ്ങൾ എന്നിവ ഉദാഹരണം. ഇതിനർത്ഥം, അഹ്‌ലുസ്സുന്നയുടെ പിൻഗാമികളായ പണ്ഡിതന്മാരുടെ ഗ്രന്ഥങ്ങളിൽ നിന്ന് പ്രയോജനം എടുക്കേണ്ടതില്ല എന്നല്ല.

ഇതുപോലെ തന്നെ നിനക്കാവശ്യമായ അടിസ്ഥാന മതവിജ്ഞാനങ്ങൾ കരസ്ഥമാക്കിയ ശേഷം, ഏതെങ്കിലും ഒരു പ്രത്യേക വിഷയത്തിൽ അവഗാഹം നേടാനും ഞാൻ ഉപദേശിക്കുന്നു. പ്രത്യേക വിഷയത്തിൽ അവഗാഹം നേടുന്നതിന് മതത്തിൽ അടിസ്ഥാനമുണ്ട്. ഹുദൈഫ رَضِيَ اللَّهُ عَنْهُ വിൽ നിന്നും ഇപ്രകാരം വന്നിട്ടുണ്ട്:

كان الناس يسألون رسول الله -صَلَّى اللهُ عَلَيْهِ وَعَلَى آلِهِ وَسَلَّمْ- عن الخير ، وكنت أسأله عن الشر مخافة أن يدركني

“ജനങ്ങളെല്ലാം അല്ലാഹുവിന്റെ റസൂൽ ﷺ യോട് നന്മയെക്കുറിച്ചായിരുന്നു ചോദിച്ചിരുന്നത്. എന്നാൽ അത് എന്നെ പിടികൂടുമോ എന്ന ഭയത്താൽ ഞാൻ അവിടുത്തോട് തിന്മയെക്കുറിച്ചായിരുന്നു ചോദിച്ചിരുന്നത്.”⁹ അങ്ങനെ അദ്ദേഹം ആ ഹദീസ് പൂർണ്ണമായി പറയുകയും നബി ﷺ അദ്ദേഹത്തെ അതിൽ അംഗീകരിക്കുകയും ചെയ്തു.

എല്ലാ ദിവസവും വിജ്ഞാനം വർദ്ധിപ്പിക്കാൻ നാം പരിശ്രമിക്കണം. അബ്ദുല്ലാഹിബ്‌നു ഉമർ رَضِيَ اللَّهُ عَنْهُമാ വിൽ നിന്നും നിവേദനം. അല്ലാഹുവിന്റെ റസൂൽ ﷺ പറഞ്ഞു:

لا حسد إلا في اثنتين : رجل آتاه الله هذا الكتاب فهو يقوم به آناء الليل وآناء النهار

“രണ്ട് കാര്യങ്ങളിലൊഴികെ മറ്റൊന്നിലും അസൂയ പാടില്ല: ഒരാൾക്ക് അല്ലാഹു ഈ ഗ്രന്ഥം നൽകുകയും, അയാൾ രാപ്പകലുകളിൽ അതുമായി നിലകൊള്ളുകയും ചെയ്യുന്നു.” _{(തുടർന്ന് അതെ വരി ആവർത്തിക്കുന്നു)}

الله هذا الكتاب فهو يقوم به آناء الليل وآناء النهار

“അല്ലാഹു ഈ ഗ്രന്ഥം നൽകുകയും, അയാൾ രാപ്പകലുകളിൽ അതുമായി നിലകൊള്ളുകയും ചെയ്യുന്നു.”

മറ്റൊരു നിവേദനത്തിൽ വന്നിട്ടുള്ള പദം ഇപ്രകാരമാണ്:

لاَ حَسَدَ إِلَّا فِي اثْنَتَيْنِ: رَجُلٌ آتَاهُ اللَّهُ القُرْآنَ فَهُوَ يَتْلُوهُ آنَاءَ اللَّيْلِ وَآنَاءَ النَّهَارِ، وَرَجُلٌ آتَاهُ اللَّهُ مَالًا فَهُوَ يُنْفِقُهُ آنَاءَ اللَّيْلِ وَآنَاءَ النَّهَارِ

“രണ്ട് കാര്യങ്ങളിലൊഴികെ മറ്റൊന്നിലും അസൂയ പാടില്ല: ഒരാൾക്ക് അല്ലാഹു ഖുർആൻ നൽകുകയും, അയാൾ രാപ്പകലുകളിൽ അത് പാരായണം ചെയ്യുകയും ചെയ്യുന്നു. മറ്റൊരാൾക്ക് അല്ലാഹു സമ്പത്ത് നൽകുകയും, അയാൾ രാപ്പകലുകളിൽ അത് ചെലവഴിക്കുകയും ചെയ്യുന്നു.”¹⁰

മാത്രമല്ല, അല്ലാഹു തന്റെ മഹത്തായ ഗ്രന്ഥത്തിൽ തന്റെ പ്രവാചകൻ മുഹമ്മദ് ﷺ യോട് ഇപ്രകാരം വചിച്ചിരിക്കുന്നു:

وَقُلْ رَبِّ زِدْنِي عِلْما

“എന്റെ രക്ഷിതാവേ, എനിക്ക് നീ ജ്ഞാനം വർദ്ധിപ്പിച്ചുതരേണമേ എന്ന് നീ പറയുക.”

താൻ പഠിച്ച വിജ്ഞാനം കൊണ്ട് ഉപകാരം ലഭിക്കാൻ അവൻ ആഗ്രഹിക്കണം. അല്ലാഹുവിന്റെ വചനം:

مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا

“തൗറാത്ത് ചുമൽപ്പിക്കപ്പെടുകയും, എന്നിട്ട് അത് വഹിക്കാതിരിക്കുകയും ചെയ്തവരുടെ ഉപമ ഗ്രന്ഥങ്ങൾ ചുമക്കുന്ന കഴുതയുടേതിന് തുല്യമാകുന്നു.”¹¹

ഉപകാരമില്ലാത്ത അറിവിൽ നിന്ന് നബി ﷺ അല്ലാഹുവിനോട് കാവൽ ചോദിക്കാറുണ്ടായിരുന്നു.

അല്ലാഹുവിനോട് വിനയം കാണിക്കാനും അഹങ്കാരം ഉപേക്ഷിക്കാനും ഞാൻ നിന്നെ ഉപദേശിക്കുന്നു

അല്ലാഹുവിന്റെ വചനം:

سَأَصْرِفُ عَنْ آيَاتِيَ الَّذِينَ يَتَكَبَّرُونَ فِي الأَرْضِ بِغَيْرِ الْحَقِّ وَإِنْ يَرَوْا كُلَّ آيَةٍ لا يُؤْمِنُوا بِهَا وَإِنْ يَرَوْا سَبِيلَ الرُّشْدِ لا يَتَّخِذُوهُ سَبِيلًا وَإِنْ يَرَوْا سَبِيلَ الغَيِّ يَتَّخِذُوهُ سَبِيلًا ذَلِكَ بِأَنَّهُمْ كَذَّبُوا بِآيَاتِنَا وَكَانُوا عَنْهَا غَافِلِينَ

“ന്യായം കൂടാതെ ഭൂമിയിൽ അഹങ്കരിച്ച് നടക്കുന്നവരെ എന്റെ ദൃഷ്ടാന്തങ്ങളിൽ നിന്ന് ഞാൻ തിരിച്ചുവിടുന്നതാണ്. ഏതൊരു ദൃഷ്ടാന്തം കണ്ടാലും അവരതിൽ വിശ്വസിക്കുകയില്ല. നേർവഴി കണ്ടാൽ അവരത് മാർഗമായി സ്വീകരിക്കുകയുമില്ല. എന്നാൽ ദുർമാർഗം കണ്ടാൽ അവരത് മാർഗമായി സ്വീകരിക്കുകയും ചെയ്യും. അവർ നമ്മുടെ ദൃഷ്ടാന്തങ്ങളെ നിഷേധിച്ചു തള്ളുകയും അവയെപ്പറ്റി അശ്രദ്ധരായിരിക്കുകയും ചെയ്തത് കൊണ്ടാണത്.”¹²

മുജാഹിദ് رَحِمَهُ اللَّهُ വിൽ നിന്ന് നിവേദനം, അദ്ദേഹം പറഞ്ഞു: “അമിതമായി ലജ്ജിക്കുന്നവനും അഹങ്കാരിക്കും അറിവ് നേടാൻ സാധിക്കുകയില്ല.”

നീ അറിവ് നുകർന്ന പണ്ഡിതന്മാരോട് നന്ദി കാണിക്കുക, അവർക്കുവേണ്ടി പ്രാർത്ഥിക്കുക, അവർക്ക് അല്ലാഹുവിന്റെ കാരുണ്യം ലഭിക്കാൻ പ്രാർത്ഥിക്കുക

അബൂഹുറൈറ رَضِيَ اللَّهُ عَنْهُ വിൽ നിന്നും നിവേദനം. നബി ﷺ പറഞ്ഞു:

لا يشكر الله من لا يشكر الناس

“ജനങ്ങളോട് നന്ദി കാണിക്കാത്തവൻ അല്ലാഹുവിനോടും നന്ദി കാണിക്കുകയില്ല.”¹³

നീ അറിവ് നുകർന്ന പണ്ഡിതന്മാരോട് നന്ദി കാണിക്കുക, അവർക്കുവേണ്ടി പ്രാർത്ഥിക്കുക, അവർക്ക് അല്ലാഹുവിന്റെ കാരുണ്യം ലഭിക്കാൻ പ്രാർത്ഥിക്കുക

അബൂഹുറൈറ رَضِيَ اللَّهُ عَنْهُ വിൽ നിന്നും നിവേദനം. നബി ﷺ പറഞ്ഞു:

لا يشكر الله من لا يشكر الناس

“ജനങ്ങളോട് നന്ദി കാണിക്കാത്തവൻ അല്ലാഹുവിനോടും നന്ദി കാണിക്കുകയില്ല.”¹⁴

ബിദ്അത്തുകാരോടും അവരുടെ ഗ്രന്ഥങ്ങളോടും, അതുപോലെ വഴിപിഴച്ച പണ്ഡിതന്മാരോടും അവരുടെ ഗ്രന്ഥങ്ങളോടും അകലം പാലിക്കുക

കാരണം അല്ലാഹുവിന്റെ വചനം:

وَاتَّبِعْ سَبِيلَ مَنْ أَنَابَ إِلَيَّ

“എന്നിലേക്ക് മടങ്ങിയവരുടെ മാർഗം നീ പിൻപറ്റുകയും ചെയ്യുക.”¹⁵

റസൂൽ ﷺ പറഞ്ഞു:

أخوف ما أخاف على أمتي : منافق عليم اللسان

“എന്റെ സമുദായത്തിന്റെ കാര്യത്തിൽ ഞാൻ ഏറ്റവും കൂടുതൽ ഭയപ്പെടുന്നത്, സംസാരത്തിൽ വലിയ ജ്ഞാനം പ്രകടിപ്പിക്കുന്ന കപടവിശ്വാസികളെയാണ്.”¹⁶

അല്ലാഹുവിന്റെ വചനം:

يَا أَيُّهَا الَّذِينَ آمَنُوا إِنَّ كَثِيرًا مِنَ الأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَنْ سَبِيلِ اللَّهِ

“സത്യവിശ്വാസികളേ, പണ്ഡിതന്മാരിലും പുരോഹിതന്മാരിലും പെട്ട ധാരാളം പേർ ജനങ്ങളുടെ ധനം അന്യായമായി തിന്നുകയും, അല്ലാഹുവിന്റെ മാർഗത്തിൽ നിന്ന് അവരെ തടയുകയും ചെയ്യുന്നു.”¹⁷

സജ്ജനങ്ങളോടും ശ്രേഷ്ഠരായ ആളുകളോടുമൊപ്പം സഹവസിക്കാൻ പ്രത്യേകം ശ്രദ്ധിക്കുക

അല്ലാഹു തന്റെ പ്രവാചകൻ മുഹമ്മദ് ﷺ യോട് ഇപ്രകാരം വചിച്ചിരിക്കുന്നു:

وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا

“തങ്ങളുടെ രക്ഷിതാവിന്റെ പ്രീതി ലക്ഷ്യമാക്കിക്കൊണ്ട് രാവിലെയും വൈകുന്നേരവും അവനോട് പ്രാർത്ഥിച്ചുകൊണ്ടിരിക്കുന്നവരുടെ കൂടെ നീ നിന്റെ മനസ്സിനെ അടക്കി നിർത്തുക. ഐഹികജീവിതത്തിന്റെ അലങ്കാരം ലക്ഷ്യമാക്കിക്കൊണ്ട് നിന്റെ കണ്ണുകൾ അവരെ വിട്ട് മാറിപ്പോകരുത്. നമ്മുടെ സ്മരണയെപ്പറ്റി ഏതൊരാളുടെ ഹൃദയത്തെ നാം അശ്രദ്ധമാക്കിയിരിക്കുന്നുവോ, ഏതൊരാൾ തന്റെ തന്നിഷ്ടത്തെ പിൻപറ്റുകയും അയാളുടെ കാര്യം അതിരുകവിഞ്ഞതായിരിക്കുകയും ചെയ്യുന്നുവോ, അയാളെ നീ അനുസരിച്ചു പോകരുത്.”¹⁸

അല്ലാഹുവിന്റെ വചനം:

وَيَوْمَ يَعَضُّ الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ الرَّسُولِ سَبِيلًا * يَا وَيْلَتَى لَيْتَنِي لَمْ أَتَّخِذْ فُلَانًا خَلِيلًا * لَقَدْ أَضَلَّنِي عَنِ الذِّكْرِ بَعْدَ إِذْ جَاءَنِي وَكَانَ الشَّيْطَانُ لِلْإِنْسَانِ خَذُولًا

“അക്രമം ചെയ്തവൻ തന്റെ കൈകൾ കടിക്കുന്ന ദിവസം. അയാൾ പറയും: ഞാൻ റസൂലിനോടൊപ്പം ഒരു മാർഗം സ്വീകരിച്ചിരുന്നെങ്കിൽ എത്ര നന്നായിരുന്നേനേ! എന്റെ കഷ്ടമേ, ഞാൻ ഇന്നയാളെ ചങ്ങാതിയായി സ്വീകരിച്ചില്ലായിരുന്നെങ്കിൽ എത്ര നന്നായിരുന്നേനേ! ഉൽബോധനം എനിക്ക് വന്നുകിട്ടിയതിനു ശേഷം അതിൽ നിന്നുമയാൾ എന്നെ തെറ്റിച്ചുകളഞ്ഞുവല്ലോ. പിശാച് മനുഷ്യനെ കൈവിട്ടുകളയുന്നവനാകുന്നു.”¹⁹

അബൂമൂസാ അൽ അശ്അരി رَضِيَ اللَّهُ عَنْهُ വിൽ നിന്ന് നിവേദനം. അല്ലാഹുവിന്റെ റസൂൽ ﷺ പറഞ്ഞു:

مثل الجليس الصالح وجليس السوء كحامل المسك ونافخ الكير ، فحامل المسك إما أن يحذيك ، وإما أن تبتاع منه ، وإما أن تجد منه ريحاً طيبة ، ونافخ الكير إما أن يحرق ثيابك وإما أن تجد منه ريحاً منتنة

“നല്ല കൂട്ടുകാരന്റെയും ചീത്ത കൂട്ടുകാരന്റെയും ഉപമ, കസ്തൂരി വഹിക്കുന്നവന്റെയും ഉലയിൽ ഊതുന്നവന്റെയും ഉപമ പോലെയാണ്. കസ്തൂരി വഹിക്കുന്നവൻ ഒന്നുകിൽ നിനക്കത് സൗജന്യമായി നൽകിയേക്കാം, അല്ലെങ്കിൽ അവനിൽ നിന്ന് നിനക്കത് വിലയ്ക്കു വാങ്ങാം, അതുമല്ലെങ്കിൽ അവനിൽ നിന്ന് നിനക്ക് നല്ലൊരു സുഗന്ധമെങ്കിലും ലഭിക്കാം. എന്നാൽ ഉലയിൽ ഊതുന്നവൻ ഒന്നുകിൽ നിന്റെ വസ്ത്രം കരിച്ചു കളഞ്ഞേക്കാം, അല്ലെങ്കിൽ അവനിൽ നിന്ന് നിനക്ക് മോശമായൊരു ഗന്ധം ലഭിക്കുന്നതാണ്.”²⁰

അതിനാൽ, ബിദ്അത്തിലധിഷ്ഠിതമായ ഇത്തരം പക്ഷപാതിത്വങ്ങളിൽ നിന്നും, ബിദ്അത്തുകളുണ്ടാക്കുന്ന സംഘങ്ങളിൽ നിന്നും പൂർണ്ണമായും അകലം പാലിക്കാൻ ഞാൻ നിന്നെ ഉപദേശിക്കുന്നു. ഇഖ്‌വാനുൽ മുസ്‌ലിമൂൻ, തബ്‌ലീഗ് ജമാഅത്ത്, അതുപോലെ വിഡ്ഢിത്തവും അറിവില്ലായ്മയും നിറഞ്ഞ ജിഹാദ് ജമാഅത്തുകൾ എന്നിവ ഇതിന് ഉദാഹരണങ്ങളാണ്. അഹ്‌ലുസ്സുന്നയുടെ പണ്ഡിതന്മാരോടൊപ്പം സഹവസിക്കാനും, പുതുതായി ഉണ്ടാകുന്ന കാര്യങ്ങളിൽ അവരുമായി കൂടിയാലോചന നടത്താനും നീ പ്രത്യേകം ശ്രദ്ധിക്കണം. പക്ഷപാതികളുടെ ദുർബോധനങ്ങളെ നീ താക്കീത് ചെയ്യുക. കാരണം അവ പിശാചിന്റെ ദുർബോധനങ്ങൾക്ക് തുല്യമാണ്:

അല്ലാഹുവിന്റെ വചനം:

يَعِدُهُمْ وَيُمَنِّيهِمْ وَمَا يَعِدُهُمُ الشَّيْطَانُ إِلَّا غُرُورًا

“അവൻ അവർക്ക് വാഗ്ദാനങ്ങൾ നൽകുകയും, അവരെ വ്യാമോഹിപ്പിക്കുകയും ചെയ്യുന്നു. എന്നാൽ പിശാച് അവർക്ക് നൽകുന്ന വാഗ്ദാനം വഞ്ചനയല്ലാതെ മറ്റൊന്നുമല്ല.”²¹

ലാ ഇലാഹ ഇല്ലല്ലാഹ്! എത്രയെത്ര സജ്ജനങ്ങളായ, ഖുർആൻ മനഃപാഠമാക്കിയ, സുന്നത്തിന്റെ വിജ്ഞാനങ്ങളിൽ മികച്ചുനിന്ന യുവാക്കളെയാണ് ഇത്തരം പക്ഷപാതികൾ തങ്ങളുടെ വ്യാജമായ വാഗ്ദാനങ്ങളിലൂടെ നശിപ്പിച്ചുകളഞ്ഞത്! ഈ വഴികേടിലാക്കിയതിന് അല്ലാഹുവിന്റെ മുന്നിൽ അവർ തീർച്ചയായും ചോദ്യം ചെയ്യപ്പെടുന്നതാണ്. നമുക്ക് അല്ലാഹു മതി, ഭരമേൽപ്പിക്കാൻ അവൻ എത്ര നല്ലവൻ!

സമയവും ആരോഗ്യവും കാത്തുസൂക്ഷിക്കുക:

ഇബ്നു അബ്ബാസ് رَضِيَ اللَّهُ عَنْهُമാ വിൽ നിന്ന് നിവേദനം. അല്ലാഹുവിന്റെ റസൂൽ ﷺ പറഞ്ഞു: نعمتان مغبون فيهما كثير من الناس : الصحة والفراغ “രണ്ട് അനുഗ്രഹങ്ങളുടെ കാര്യത്തിൽ ജനങ്ങളിൽ അധികപേരും വഞ്ചിതരാണ്: ആരോഗ്യവും ഒഴിവുസമയവും.”²²

അറബി ഭാഷയ്ക്ക് പ്രാധാന്യം നൽകുക

നിന്റെ നാവ് നേരെയാക്കാനും, ആശയങ്ങളുടെ പരസ്പര ബന്ധങ്ങൾ മനസ്സിലാക്കാനും ആവശ്യമായത്ര അറബി ഭാഷ നീ സ്വായത്തമാക്കേണ്ടതുണ്ട്.

വിജ്ഞാനം തേടിയുള്ള യാത്ര

മതത്തിൽ ഇതിന് സുപ്രധാനമായ ഒരടിസ്ഥാനമുണ്ട്. വിജ്ഞാനത്തിലെ സുന്നത്തായ ഒരു കാര്യം പഠിക്കാൻ വേണ്ടി അല്ലാഹുവിന്റെ പ്രവാചകനായ മൂസാ عَلَيْهِ السَّلَامْ യാത്ര ചെയ്തിട്ടുണ്ട്. സ്വദേശത്ത് നിന്നുമുള്ള അകൽച്ച വിജ്ഞാനം കരസ്ഥമാക്കുന്നതിന് ആവശ്യമായ ഒഴിവുസമയം ലഭിക്കാൻ നിന്നെ സഹായിക്കും.

അന്ധമായ അനുകരണം ഒഴിവാക്കുക

അല്ലാഹുവിന്റെ വചനം:

وَلا تَقْفُ مَا لَيْسَ لَكَ بِهِ عِلْمٌ

“നിനക്ക് അറിവില്ലാത്ത കാര്യത്തിന്റെ പിന്നാലെ നീ പോകരുത്.”²³

തർക്കങ്ങളിൽ നിന്നും അകലം പാലിക്കുക:

അബൂഉമാമ അൽ-ബാഹിലി رَضِيَ اللَّهُ عَنْهُ വിൽ നിന്നും നിവേദനം. അല്ലാഹുവിന്റെ റസൂൽ ﷺ പറഞ്ഞു: ما ضل قوم بعد هدى كانوا عليه إلا أوتوا الجدل “ഒരു സമുദായം അവർ നിലകൊണ്ടിരുന്ന സന്മാർഗത്തിന് ശേഷം വഴിപിഴച്ചു പോയിട്ടില്ല, അവർക്ക് തർക്കം നൽകപ്പെട്ടതുകൊണ്ടല്ലാതെ.”

പിന്നീട് അവിടുന്ന് ഈ വചനം പാരായണം ചെയ്തു:

مَا ضَرَبُوهُ لَكَ إِلَّا جَدَلًا بَلْ هُمْ قَوْمٌ خَصِمُونَ

“നിന്നോട് ഒരു തർക്കത്തിനായിക്കൊണ്ട് മാത്രമാണ് അവരത് എടുത്തു കാണിച്ചത്. അല്ല, അവർ വലിയ പിടിവാശിക്കാരായ ഒരു ജനതയാകുന്നു.”²⁴

ആശയങ്ങളിലുള്ള അഭിപ്രായവ്യത്യാസങ്ങളിലോ, വൈവിധ്യങ്ങളായുള്ള അഭിപ്രായങ്ങളിലോ നീ നിന്റെ സ്വന്തം അഭിപ്രായത്തിന് വേണ്ടി കടുത്ത പക്ഷപാതിത്വം കാണിക്കരുത്. നീ അറിയുകയോ അറിയാതിരിക്കുകയോ ചെയ്യുന്ന രൂപത്തിൽ ജനങ്ങളെ അന്ധമായ അനുകരണത്തിലേക്ക് ക്ഷണിക്കുന്നതിനും അത് കാരണമാകരുത്.

മതവിധി (ഫത്‌വ) നൽകുന്ന കാര്യത്തിൽ സൂക്ഷ്മതയും സ്ഥിരീകരണവും വരുത്തുക

അല്ലാഹുവിന്റെ വചനം:

وَلا تَقُولُوا لِمَا تَصِفُ أَلْسِنَتُكُمُ الْكَذِبَ هَذَا حَلالٌ وَهَذَا حَرَامٌ لِتَفْتَرُوا عَلَى اللَّهِ الْكَذِبَ إِنَّ الَّذِينَ يَفْتَرُونَ عَلَى اللَّهِ الْكَذِبَ لا يُفْلِحُونَ

“നിങ്ങളുടെ നാവുകൾ വിശേഷിപ്പിക്കുന്ന വ്യാജമായ കാര്യങ്ങളുടെ അടിസ്ഥാനത്തിൽ അല്ലാഹുവിന്റെ മേൽ കള്ളം കെട്ടിച്ചമയ്ക്കുന്നതിനായി, ഇത് അനുവദനീയമാണ്, ഇത് നിഷിദ്ധമാണ് എന്ന് നിങ്ങൾ പറയരുത്. തീർച്ചയായും അല്ലാഹുവിന്റെ മേൽ കള്ളം കെട്ടിച്ചമയ്ക്കുന്നവർ വിജയിക്കുകയില്ല.”²⁵

മതവിദ്യാർത്ഥികൾക്കുള്ള ഉപദേശമായി ഈ ലഘുവായ കുറിപ്പ് മാത്രം മതിയാവുകയില്ല. അതിനാൽ, ഇബ്നു അബ്ദിൽ ബർറിന്റെ ഗ്രന്ഥമായ ‘ജാമിഉ ബയാനിൽ ഇൽമി വഫദ്‌ലിഹി’, അബൂ ഖൈസമ സുഹൈർ ബിൻ ഹർബിന്റെ ‘കിതാബുൽ ഇൽമ്’, സ്വഹീഹുൽ ബുഖാരിയിലെയും സ്വഹീഹ് മുസ്‌ലിമിലെയും ‘കിതാബുൽ ഇൽമ്’ എന്നീ അധ്യായങ്ങൾ, കൂടാതെ ഇസ്‌ലാമിലെ മറ്റു അടിസ്ഥാന ഗ്രന്ഥങ്ങൾ എന്നിവയിലേക്ക് മടങ്ങാൻ ഞാൻ അവരെ ഉപദേശിക്കുന്നു.

അല്ലാഹു ഇഷ്ടപ്പെടുന്നതും അവന് തൃപ്തിപ്പെടുന്നതുമായ കാര്യങ്ങൾ ചെയ്യാൻ അവൻ എല്ലാവർക്കും തൗഫീഖ് നൽകട്ടെ.

1. സൂറത്ത് അൽ ബയ്യിന – 5 ↩︎
2. സ്വഹീഹുൽ ബുഖാരി – 1, സ്വഹീഹ് മുസ്‌ലിം – 1907 ↩︎
3. സൂറത്ത് അസ്സജദ – 24 ↩︎
4. സ്വഹീഹ് മുസ്‌ലിം – 223 ↩︎
5. സൂറത്ത് അൽ അൻഫാൽ – 29 ↩︎
6. സൂറത്ത് അൽ ഹദീദ് – 28 ↩︎
7. സൂറത്ത് അൽ ബഖറ – 282 ↩︎
8. സ്വഹീഹുൽ ബുഖാരി – 1942, സ്വഹീഹ് മുസ്‌ലിം – 2492 ↩︎
9. സ്വഹീഹുൽ ബുഖാരി – 3606, സ്വഹീഹ് മുസ്‌ലിം – 1847 ↩︎
10. സ്വഹീഹുൽ ബുഖാരി – 7529, സ്വഹീഹ് മുസ്‌ലിം – 266 ↩︎
11. സൂറത്ത് അൽ ജുമുഅ – 5 ↩︎
12. സൂറത്ത് അൽ അഅ്റാഫ് – 146 ↩︎
13. സുനനുത്തിർമിദി – 1954, സുനൻ അബൂദാവൂദ് – 4811, മുസ്നദ് അഹ്മദ് – 2/303 ↩︎
14. സുനനുത്തിർമിദി – 1954, സുനൻ അബൂദാവൂദ് – 4811, മുസ്നദ് അഹ്മദ് – 2/303 ↩︎
15. സൂറത്ത് ലുഖ്മാൻ – 15 ↩︎
16. സ്വഹീഹുൽ ജാമിഅ് – 239 ↩︎
17. സൂറത്ത് അത്തൗബ – 34 ↩︎
18. സൂറത്ത് അൽകഹ്ഫ് – 28 ↩︎
19. സൂറത്ത് അൽ ഫുർഖാൻ – 27 മുതൽ 29 വരെ ↩︎
20. സ്വഹീഹുൽ ബുഖാരി – 5534, സ്വഹീഹ് മുസ്‌ലിം – 2628 ↩︎
21. സൂറത്ത് അന്നിസാഅ് – 120 ↩︎
22. സ്വഹീഹുൽ ബുഖാരി – 6412 ↩︎
23. സൂറത്ത് അൽ ഇസ്റാഅ് – 36 ↩︎
24. സൂറത്ത് അസ്സുഖ്‌റുഫ് – 58 ↩︎
25. സൂറത്ത് അന്നഹ്ൽ – 116 ↩︎